ប្រធានមន្ទីរទេសចរណ៍រាជធានីភ្នំពេញ ស្នើដល់ម្ចាស់អាជីវកម្មទេសចរណ៍ទាំងអស់គោរពច្បាប់ និងសហការជាមួយមន្ត្រីអាជ្ញាធរគ្រប់លំដាប់ថ្នាក់អោយបានល្អដើម្បីចូលរួមទប់ស្កាត់ភាពអសកម្មនានានៅក្នុងអាជីវកម្មរបស់ខ្លួន

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

ប្រធានមន្ទីរទេសចរណ៍រាជធានីភ្នំពេញ ស្នើដល់ម្ចាស់អាជីវកម្មទេសចរណ៍ទាំងអស់គោរពច្បាប់ និងសហការជាមួយមន្ត្រីអាជ្ញាធរគ្រប់លំដាប់ថ្នាក់អោយបានល្អដើម្បីចូលរួមទប់ស្កាត់ភាពអសកម្មនានានៅក្នុងអាជីវកម្មរបស់ខ្លួន

ចុះថ្ងៃទី: 22-03-2024, 07:31 PM, ចំនួនអ្នកអានៈ 78ដង

រាជធានីភ្នំពេញ៖ មន្ទីរទេសចរណ៍រាជធានីភ្នំពេញ បានសហការជាមួយរដ្ឋបាលខណ្ឌសែនសុខ ដើម្បីផ្សព្វផ្សាយ “ច្បាប់ស្ដីពីទេសចរណ៍” និង “យន្តការផ្ដល់អាជ្ញាបណ្ណនៅអង្គភាពច្រកចេញចូលតែមួយនិងតាមប្រព័ន្ធអនឡាញ” និង “ការពង្រឹងការទប់ស្កាត់ការប្រើប្រាស់និងជួញដូរគ្រឿងញៀន” ។ ពិធីបានប្រព្រឹត្តទៅក្រោមវត្តមាន លោក ម៉ម វាសនា ប្រធានមន្ទីរទេសចរណ៍រាជធាភ្នំពេញនារសៀលថ្ងៃទី២១ខែមីនាឆ្នាំ២០២៤នេះ ដោយមានការចូលរួមពីមន្ត្រីរាជការ អាជ្ញាធរ និងអាជីវករសេវាកម្មទេសចរណ៍យ៉ាងច្រើនកុះក នៅសាលាខណ្ឌសែនសុខ ។ លោក ម៉ម វាសនា មានប្រសាសន៍ថា វិស័យទេសចរណ៍ ត្រូវបានរាជរដ្ឋាភិបាលកម្ពុជាចាត់ទុកជាវិស័យអាទិភាពមួយក្នុងចំណោមវិស័យអាទិភាពនានា ដើម្បីជម្រុញកំណើននៃការអភិវឌ្ឍសង្គម-សេដ្ឋកិច្ច តាមរយៈការបង្កើតការងារ ការវិនិយោគ ការអភិវឌ្ឍន៍ហេដ្ឋារចនាសម្ព័ន្ធពាក់ព័ន្ធចូលរួមការពារ និងអភិរក្សសម្បតិ្តវប្បធម៌ និងធនធានធម្មជាតិរបស់ប្រទេស។ ថ្លែងក្នុងពិធីនេះ លោក ម៉ម វាសនា បានស្នើដល់ម្ចាស់អាជីវកម្ម សេវាកម្មកម្សាន្តទេសចរណ៍ទាំងអស់ត្រូវចូលរួមគោរពច្បាប់ទេសចរណ៍និងលិខិតបទដ្ឋាននានាដែលមានជាធរមាន ។ ម្ចាស់អាជីវកម្មទាំងអស់ត្រូវចូលរួមក្នុងការទប់ស្កាត់ការជួយដូរនិងប្រើប្រាស់គ្រឿងញៀន និងទប់ស្កាត់សកម្មភាពល្មើសនិងច្បាប់នានានៅក្នុងអាជីវកម្មរបស់ខ្លួនអោយបានខ្ជាប់ខ្ជួន។ ទោះបីយ៉ាងណាក្នុងឆ្នាំ២០២៣ វិស័យទេសចរណ៍បានចូលរួម ៧.៥% នៃផលិតផលក្នុងស្រុកសរុប និងផ្ដល់ការងារជាង ៤៥ម៉ឺននាក់។ វិស័យទេសចរណ៍រាជធានីភ្នំពេញ គឺមានលក្ខណៈសម្បូរបែប ដែលមានបញ្ចូលគ្នាទាំងទេសចរណ៍បែបប្រវត្តិសាស្ត្រ ទេសចរណ៍កម្សាន្ត ទេសចរណ៍ធម្មជាតិ និងទេសចរណ៍កែច្នៃបែបទំនើប ដែលមានដូចជា ព្រះបរមរាជវាំង, សារមន្ទីរជាតិ, វិមានឯករាជ្យ, រមណីយដ្ឋានវត្តភ្នំ, មជ្ឈមណ្ឌលប្រល័យពូជសាសន៍ជើងឯក, សារមន្ទីរទួលស្លែង, ទន្លេចតុមុខ, ឆ្នេរខ្សាច់កោះដាច់, សហគមន៍តម្បាញកោះឧកញ៉ាតី, ផ្សារធំថ្មី, ផ្សារទួលទំពូង, ផ្សារទំនើប, និងតំបន់សក្ដានុពលជាច្រើនផ្សេងទៀត។ នេះជាការបញ្ជាក់បន្ថែមរបស់លោកម៉ម វាសនា។ លោកប្រធានមន្ទីរមានប្រសាសន៍ថាដោយសារភាពងាយស្រួលនៃការតភ្ជាប់គ្នានៃហេដ្ឋារចនាសម្ព័ន្ធទាំងផ្លូវអាកាស ផ្លូវគោកនិងផ្លូវទឹក និងលក្ខខណ្ឌគាំទ្រនានាដែលអំណោយផលដល់ការវិនិយោគ រាជធានីភ្នំពេញ សម្រាបនៅក្នុងឆ្នាំ២០២៣ ទទួលទេសចរសរុបចំនួន ៧,៧៩៩,០២៧ នាក់ កើនឡើង ១២៤% ប្រៀបធៀបនឹងពេលដូចគ្នាក្នុងឆ្នាំ២០២២ ក្នុងនោះទេសចរជាតិ ៦,៥៨៧,៣៥១នាក់ និង ទេសចរអន្តរជាតិ ១,២១១,៦៧៦នាក់។ សម្រាប់២ខែក្នុងឆ្នាំ២០២៤នេះ រាជធានីភ្នំពេញមានភ្ញៀវទេសចរសរុប ១,០១៣,៥៤១នាក់ កើនឡើង ៧៥.១៧% ប្រៀបធៀបនឹងពេលដូចគ្នាក្នុងឆ្នាំ២០២៣ ក្នុងនោះទេសចរជាតិ ៣០០,២៧៧នាក់ និងអន្តរជាតិ ៧១៣,២៦៤នាក់ ហើយសម្រាប់ទេសចរអន្តរជាតិសំខាន់ទាំង១០ប្រទេសមានដូចជា ប្រទេសចិន កូរ៉េខាងត្បូង អាមេរិកកាំង ថៃ បារាំង ម៉ាឡេស៊ី ឥណ្ឌូនេស៊ី តៃវ៉ាន់ ជប៉ុន និងអង់គ្លេស។ លោកប្រធានមន្ទីរបន្តថា សម្រាប់អាណត្តិទី៧នៃរាជរដ្ឋាភិបាលថ្មីនេះ ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ បានដាក់ចេញនូវចក្ខុវិស័យដើម្បីកសាង/ចូលរួមចំណែកលើកកម្ពស់កិត្យានុពល និងភាពធន់ នៃកម្ពុជា តាមរយៈការប្រែក្លាយកម្ពុជាជាគោលដៅទេសចរណ៍សកលឈានមុខមួយប្រកបដោយភាពសម្បូរបែប, ពោរពេញដោយកាលានុវត្តភាព និងភាពកក់ក្តៅ ដើម្បីសម្រេចបាននូវចក្ខុវិស័យនេះ ឯកឧត្តម រដ្ឋមន្ត្រី បានដាក់ចេញនូវយុទ្ទសាស្ត្រ “បង្កើន៥-BUILD” និង “អភិវឌ្ឍ៣-3Ds”។ “បង្កើន៥-BUILD” មានដូចជា៖ ១.បង្កើនប្រសិទ្ធភាពនៃការគ្រប់គ្រងកិត្តិនាមកម្ពុជា។២.បង្កើនប្រសិទ្ធភាពនៃការផ្សព្វផ្សាយភាពទាក់ទាញនៃទេសចរណ៍កម្ពុជាទៅកាន់ទីផ្សារសំខាន់ៗ។៣.បង្កើនប្រសិទ្ធភាពនៃការគ្រប់គ្រង និងសម្របសម្រួលកិច្ចការផ្ទៃក្នុងពាក់ព័ន្ធនិងការធ្វើដំណើររបស់ទេសចរ។៤.បង្កើនប្រសិទ្ធភាពនៃការអភិវឌ្ឍផលិតផលទេសចរណ៍។ ៥.បង្កើនប្រសិទ្ធភាពនៃការអភិវឌ្ឍធនធាននិងគោលដៅទាក់ទាញទេសចរណ៍ប្រកបដោយភាពប្រកួតប្រជែងខ្ពស់។ រីឯ “អភិវឌ្ឍ៣-3Ds” គឺផ្តោតលើការងារគាំទ្រអាទិភាពចំនួន០៣ដូចជា៖ ១.អភិវឌ្ឍរចនាសម្ព័ន្ធ និងពង្រឹងយន្តការអភិបាលកិច្ចទេសចរណ៍ ២.អភិវឌ្ឍបវិវត្តកម្មឌីជីថលក្នុងវិស័យទេសចរណ៍ ៣.អភិវឌ្ឍធនធានមនុស្ស។ ដូចនេះអាជីវកម្មទេសចរណ៍អាចចូលរួមដោយគោរពច្បាប់ទេសចរណ៍ គោរពច្បាប់និងលិខិតបទដ្ឋាននានាដែលពាក់ព័ន្ធរបស់ក្រសួងស្ថាប័ន ក៏ដូចជាត្រូវប្រកបអាជីវកម្មដោយមានអាជ្ញាបណ្ណទេសចរណ៍អោយបានត្រឹមត្រូវ។ នៅអាណត្តិទី៧នៃរាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជារាជរដ្ឋាភិបាលបានផ្ដោតលើការអភិវឌ្ឍន៍វិស័យបច្ឆេកវិទ្យា ដែលជាហេតុដែលរដ្ឋបាលរាជធានីភ្នំពេញបានធ្វើទំនើបកម្ម និងដាក់ចេញនូវថ្នាលស្នើសុំអាជ្ញាបណ្ណទេសចរណ៍តាមប្រព័ន្ធអនឡាញ ដើម្បីផ្ដល់ជាភាពងាយស្រួលដល់ម្ចាស់អាជីវកម្មទាំងអស់ក្នុងការដាក់ស្នើសុំប្រកបអាជីវកម្មស្របតាមច្បាប់ទេសចរណ៍ ៕

ព័ត៌មានទាក់ទង

ចុះថ្ងៃទី: 28-04-2024, 08:40 PM, ចំនួនអ្នកអានៈ 22ដង

រាជធានីភ្នំពេញ ៖ពិធីសម្ពោធប្រគល់-ទទួលផ្ទះ ផ្ទះថ្មថ្មី ១ខ្នង បានធ្វើឡើងក្រោមអធិបតីភាព លោកស្រី ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការី រួមជាមួយថ្នាក់ដឹកនាំ-មន្ត្រី យុវជន នៃសាខាកាកបាទក្រហមកម្ពុជា ខេត្តកំពង់ឆ្នាំង។កុមារកំព្រា២នាក់បងប្អូន បងប្រុសឈ្មោះ ពឹម សំណាង អាយុ ១�