តាម​ការ​បញ្ជាក់​ពីអ្នក​នាំ​ពាក្យ​របស់រដ្ឋ​មន្ត្រី​ការពារ​ជាតិនូវែលសេឡង់​ មា​នរបាយការណ៍ពីកងកម្លាំងការពារជាតិមកថា កងទ័ពជើងទឹកចិនណែនាំឱ្យធ្វេីសកម្មភាពបាញ់គ្រាប់ពិត នារសៀលថ្ងៃសៅរ៍។ បុគ្គលិកនៅលើនាវាចម្បាំងរបស់កងទ័ពជើងទឹកនូវែលសេឡង់ Te Kaha កំពុងសង្កេតមើលការធ្វេីតេស្តបាញ់កាំភ្លើងធំរបស់នាវាចិន។ នូវែលសេឡង់​ បានឱ្យដឹងនៅថ្ងៃសៅរ៍​ ទី២២​ ខែកុម្ភៈ​ថា​ កងទ័ពជើងទឹកចិន​បានធ្វើតេស្តបាញ់គ្រាប់ពិត​ នៅក្នុងដែនទឹកអន្តរជាតិក្បែរប្រទេសរបស់ខ្លួន​ មួយថ្ងៃបន្ទាប់ពីមានការធ្វើសមយុទ្ធស្រដៀងគ្នានេះ​ រវាងអូស្ត្រាលី​ និងនូវែលសេឡង់​ដែលតម្រូវឱ្យក្រុមហ៊ុនអាកាសចរណ៍បង្វែរជើងហោះហើរ។​ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters។ នាយករដ្ឋមន្ត្រី​ លោក​ Christopher Luxon ក៏បានឱ្យដឹងដែរថា​ វាមិនច្បាស់ទេថានាវាកងទ័ពជើងទឹកចិន ធ្វើដំណើរទៅណាក្នុងដែនទឹកអន្តរជាតិ និងសម្រាប់គោលបំណងអ្វី។ លោកគូសបញ្ជាក់ថា​ «​អ្វី​ដែល​យើង​កំពុង​ធ្វើ​ គឺ​ឃ្លាំ​មើល និងតាម​ដាន​កង​នាវា​នេះ»​ ដោយ​បន្ថែម​ថា​ចិន​កំពុង​ធ្វើ​សកម្មភាព​ស្រប​តាម​ច្បាប់​អន្តរជាតិ។ គួរបញ្ជាក់ថា​ ការ​ធ្វើ​តេស្តបាញ់​គ្រាប់​ពិត​របស់ចិននាថ្ងៃ​សៅរ៍​នេះ​ ធ្វេីឡើង​នៅ​សមុទ្រ Tasman។​ ចិនបានច្រានចោលសេចក្តីសម្រេចឆ្នាំ ២០១៦ ដោយតុលាការអាជ្ញាកណ្តាលអចិន្ត្រៃយ៍នៅទីក្រុងឡាអេ ដែលការទាមទាររបស់ខ្លួនគឺស្ទើរតែទាំងអស់នៃសមុទ្រចិនខាងត្បូង និងដែលផ្នែកខ្លះត្រូវបានទាមទារដោយប្រទេសអាស៊ានមួយចំនួន៕

ព័ត៌មានទាក់ទង