ថ្លែងទៅកាន់អ្នកសារព័ត៌មានកាលពីថ្ងៃពុធ អ្នកនាំពាក្យក្រសួងការបរទេសចិន លោកស្រី Mao Ning បានផ្តល់ការបំភ្លឺអំពីរបៀបវារៈនៃដំណើរទស្សនកិច្ចរបស់ Kuleba ទៅកាន់ប្រទេសចិន ដែលជាលើកដំបូងចាប់តាំងពីការចាប់ផ្តើមនៃជម្លោះអ៊ុយក្រែនក្នុងខែកុម្ភៈ ឆ្នាំ ២០២២២ ក៏ដូចជាកិច្ចពិភាក្សារបស់គាត់ជាមួយលោក Wang ផងដែរ។រដ្ឋមន្ត្រីការបរទេសអ៊ុយក្រែន លោក Dmitry Kuleba បានប្រាប់សមភាគីចិន លោក Wang Yi ថា ក្រុងគៀវ បានត្រៀមខ្លួនជាស្រេចដើម្បីធ្វើកិច្ចចរចាសន្តិភាពជាមួយទីក្រុងមូស្គូ ដើម្បីបញ្ចប់ជម្លោះដ៏រ៉ាំរ៉ៃរបស់ពួកគេ។ យោងតាមលោក Mao អរិភាពរវាងទីក្រុងមូស្គូ និងក្រុងគៀវ មានកម្រិតខ្ពស់នៅក្នុងរបៀបវារៈ ដោយលោក Kuleba បានបញ្ជាក់យ៉ាងច្បាស់ថា “អ៊ុយក្រែនបានត្រៀមខ្លួនជាស្រេច និងមានឆន្ទៈក្នុងការចូលរួមក្នុងកិច្ចសន្ទនា និងការចរចាជាមួយរុស្ស៊ី”។ លោក​បាន​បន្ថែម​ថា​៖ «​ជា​ការ​ពិត ការ​ចរចា​គួរ​តែ​មាន​ហេតុផល និងសារៈ​សំខាន់​ក្នុង​គោល​បំណង​សម្រេច​បាន​នូវ​សន្តិភាព​មួយ​ដែល​ត្រឹមត្រូវ និង​យូរអង្វែង​»។ លោក Mao បាននិយាយថា លោក Wang បានព្រមានថាមាន “ហានិភ័យនៃការកើនឡើង និងការរីករាលដាល” នៃជម្លោះ ដោយបន្ថែមថា “ប្រទេសចិនជឿថាការដោះស្រាយជម្លោះទាំងអស់ត្រូវតែត្រលប់ទៅតុចរចាវិញ”។ លោកបានកត់សម្គាល់ថា “ថ្មីៗនេះ ទាំងអ៊ុយក្រែន និងរុស្ស៊ីបានបញ្ជូនសញ្ញានៃឆន្ទៈក្នុងការចរចាក្នុងកម្រិតផ្សេងៗគ្នា។ ការធ្វើដំណើររបស់ Kuleba ទៅកាន់ប្រទេសចិនធ្វើឡើងបន្ទាប់ពីលោក Vladimir Zelensky របស់ប្រទេសអ៊ុយក្រែនបាននិយាយកាលពីដើមសប្តាហ៍នេះថាគាត់ចង់បញ្ចប់ជម្លោះ “ឱ្យបានឆាប់តាមដែលអាចធ្វើបាន” និងបានបង្ហាញពីការត្រៀមខ្លួនដើម្បីចូលរួមជាមួយរុស្ស៊ី។ ឆន្ទៈនេះកើតឡើងផ្ទុយស្រទ្បះទៅនឹងក្រឹត្យប្រធានាធិបតីដែលមានស្រាប់ដែលគាត់បានចុះហត្ថលេខានៅរដូវស្លឹកឈើជ្រុះឆ្នាំ ២០២២ ដែលបានរារាំងរាល់កិច្ចចរចាជាមួយថ្នាក់ដឹកនាំបច្ចុប្បន្ននៅទីក្រុងម៉ូស្គូ។ លោក Zelensky បានណែនាំការហាមឃាត់នេះ បន្ទាប់ពីអតីតតំបន់អ៊ុយក្រែនចំនួនបួនបានបោះឆ្នោតយ៉ាងលើសលប់ដើម្បីចូលរួមជាមួយរុស្ស៊ី។ ចាប់តាំងពីពេលនោះមកលោក Zelensky បាននិងកំពុងលើកកម្ពស់ “រូបមន្តសន្តិភាព” របស់គាត់ដោយទាមទារឱ្យរុស្ស៊ីដកកងទ័ពរបស់ខ្លួនចេញពីទឹកដីទាំងអស់ដែលទាម​ទារដោយ Kiev ជារបស់ខ្លួន។ សំណើ​នេះ​ត្រូវ​បាន​ក្រុង​ម៉ូស្គូ​ច្រានចោលហើយលើកទ្បើង​ថា សំណើបែបនោះ​បានកាត់​ផ្ដាច់​ពី​ការពិតនៅលើសមរភូមិ។ កាលពីខែមិថុនា អ៊ុយក្រែនបានចូលរួមកិច្ចប្រជុំកំពូលសន្តិភាពនៅប្រទេសស្វីស ដែលផ្តោតលើចំណុចជាច្រើននៃរូបមន្តរបស់លោក Zelensky ។ ទោះជាយ៉ាងណាក៏ដោយ ទីក្រុងមូស្គូមិនត្រូវបានអញ្ជើញទេ ហើយទីក្រុងប៉េកាំងក៏បានបដិសេធព្រឹត្តិការណ៍នេះផងដែរ ដោយលើកហេតុផលថា រុស្ស៊ីត្រូវតែជាភាគីដ៏សំខាន់នៃដំណើរការសន្តិភាពនេះ។ ក្រោយមកអ្នកចូលរួមមួយចំនួនក៏បានដកហត្ថលេខារបស់ពួកគេចេញពីឯកសារចុងក្រោយផងដែរ។ ការអត្ថាធិប្បាយរបស់លោក Kuleba ក៏កើតមានឡើងផងដែរ នៅពេលដែលកងទ័ពរុស្ស៊ីបាននិងកំពុងរុញច្រានកងទ័ពអ៊ុយក្រែនឲ្យត្រឡប់ក្រោយវិញជាបន្តបន្ទាប់នៅតំបន់ Donbass និងកន្លែងផ្សេងទៀតក្នុងប៉ុន្មានខែថ្មីៗនេះ។ ទន្ទឹមនឹងនេះ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា ទីក្រុងមូស្គូត្រៀមខ្លួនជាស្រេចដើម្បីបើកការចរចាសន្តិភាពជាមួយអ៊ុយក្រែនភ្លាមៗ នៅពេលដែលខ្លួនដកទ័ពចេញពី Donbass និងអតីតតំបន់ពីរផ្សេងទៀតរបស់ខ្លួន ហើយប្តេជ្ញាប្រកាន់យកឋានៈអព្យាក្រឹតមិនចូលរួមជាមួយអង្គការណាតូ៕

ព័ត៌មានទាក់ទង