សម្ព័ន្ធភាពនៃរាជរដ្ឋាគិបាល​របស់​លោកស្រី ​រួម​មាន​ក្រុមអ្នក​អភិរក្ស​និយម​យោធា ដែល​កំពុង​រក្សា​ឥទ្ធិពល​របស់​លោក​ថាក់ស៊ីន​ជា​ឪពុក​របស់​នាង។ លោកស្រី Paetongtarn និងគណៈរដ្ឋមន្ត្រីថ្មី បានធ្វើសច្ចាប្រណិធាននៅមុខព្រះមហាក្សត្រថៃ Maha Vajiralongkorn នៅល្ងាចថ្ងៃសុក្រ។ នាយក​រដ្ឋមន្ត្រី​ក្មេង​បំផុត​របស់​ប្រទេស​ថៃបាន និង​កំពុង​ចាប់ផ្តើម​រដ្ឋាភិបាល​ថ្មី​របស់​លោកស្រី ដោយបានស្បថចូលកាន់តំណែងនារសៀលថ្ងៃសុក្រម្សិលមិញ។ លោកស្រី Paetongtarn Shinawatra អាយុ ៣៨ឆ្នាំ គឺជាកូនស្រីរបស់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា។ គណបក្សគាំទ្រថាក់ស៊ីនភឿថៃ ដឹកនាំដោយលោក Paetongtarn ទទួលបានតំណែងគណៈរដ្ឋមន្ត្រីសំខាន់ៗ ដូចជារដ្ឋមន្ត្រីហិរញ្ញវត្ថុ និងរដ្ឋមន្ត្រីការបរទេស។ ចំណែកគណបក្ស​អភិរក្ស​និយម Palang Pracharath ដែល​មាន​ទំនាក់ទំនង​ជិតស្និទ្ធ​នឹង​យោធា​ត្រូវ​បាន​បំបែក។ បក្សពួកដែលដឹកនាំដោយអតីតមេយោធា Prawit Wongsuwan មិនមែនជាផ្នែកនៃរដ្ឋាភិបាលថ្មីនោះទេ។ លោកស្រី Paetongtarn ឡើង​កាន់​តំណែង​បន្ទាប់​ពី​អតីត​នាយក​រដ្ឋមន្ត្រី​ស្រី​ថា​ថាវីស៊ីន​ចុះ​ចេញ​ពី​តំណែង ខណដែលតុលាការធម្មនុញ្ញរបស់ប្រទេសថៃបានសម្រេចកាលពីខែមុនថាលោកបានបំពានលើបទដ្ឋានសីលធម៌រដ្ឋធម្មនុញ្ញដោយការតែងតាំងសមាជិកគណៈរដ្ឋមន្ត្រីដែលប្រឈមការផ្តន្ទាទោសនាពេលកន្លងមក។ ប្រព័ន្ធ​ផ្សព្វផ្សាយ​ក្នុង​ស្រុក​និយាយ​ថា សេចក្តី​សម្រេច​បាន​មក​ក្នុង​ការ​ឆ្លើយ​តប​នឹង​សម្ពាធ​ពី​អ្នក​អភិរក្ស។ លោកស្រី Paetongtarn និយាយថា លោកស្រីនឹងធ្វើការដើម្បីកសាងសេដ្ឋកិច្ចដែលធ្លាក់ចុះរបស់ប្រទេសនេះឡើងវិញ ប៉ុន្តែអ្នកសង្កេតការណ៍មួយចំនួនជឿថា នាយករដ្ឋមន្ត្រីថ្មីនឹងប្រឈមមុខនឹងបញ្ហាក្នុងការរក្សាស្ថិរភាពនយោបាយបន្ទាប់ពីការចលាចលនាពេលថ្មីៗនេះរបស់ប្រទេស៕

ព័ត៌មានទាក់ទង