បន្ទាប់ពីកិច្ចប្រជុំជាមួយសមភាគីអ៊ុយក្រែននៅទីក្រុងគៀវ លោក Sikorski បាននិយាយថា ការផ្អាកការទូទាត់សុខមាលភាពសង្គមសម្រាប់ជនភៀសខ្លួនបុរសក៏នឹងផ្តល់ផលប្រយោជន៍ដល់ហិរញ្ញវត្ថុរបស់រដ្ឋនៅក្នុងបណ្តាប្រទេសសហភាពអឺរ៉ុបផងដែរ។ រដ្ឋមន្ត្រីការបរទេសនៃទីក្រុងគៀវ លោក Andrey Sibiga បានស្វាគមន៍ការអំពាវនាវរបស់រដ្ឋមន្ត្រីការបរទេសប៉ូឡូញលោក Radoslaw Sikorski ដែលស្នើដល់រដ្ឋាភិបាលអឺរ៉ុបឱ្យបញ្ឈប់ការផ្តល់អត្ថប្រយោជន៍សុខុមាលភាពដល់បុរសអ៊ុយក្រែនដែលគ្រប់អាយុចូលបម្រើយោធាហើយពួកគេកំពុងរស់នៅក្នុងសហភាពអឺរ៉ុប។ លោកថា ការឈប់បង់ថ្លៃសន្តិសុខសង្គមទាំងនោះ សម្រាប់បុរសដែលមានការតព្វកិច្ចចូលបម្រើក្នុងកងទ័ពស្របតាមច្បាប់អ៊ុយក្រែនគឺផ្តល់ផលប្រយោជន៍ទាំងអ៊ុយក្រែន និងអ៊ឺរ៉ុប។ លោកបន្តថា យើងមិនគួរមានការលើកទឹកចិត្តផ្នែកហិរញ្ញវត្ថុដល់បុរសគ្រប់វ័យទាំងអស់នោះដើម្បីមានឱកាសគេចវេសពីការចូលបម្រើទ័ពដែលមានចែងក្នុងច្បាប់នៅអ៊ុយក្រែននោះទេ។ រដ្ឋមន្ត្រីការបរទេសអ៊ុយក្រែនលោក Andrey Sibiga បានស្វាគមន៍ការអំពាវនាវរបស់លោក Sikorski ។ លោក Sibiga បាននិយាយថា “វាដល់ពេលហើយដែលសហភាពអឺរ៉ុបត្រូវរៀបចំកម្មវិធីបែបនោះដើម្បីបើកឱកាសឲ្យប្រជាជនគ្រប់អាយុចូលទ័ពវិលត្រឡប់ទៅប្រទេសអ៊ុយក្រែនវិញ”។ លោក Sibiga បាននិយាយថា លក្ខខណ្ឌសមស្របគួរតែត្រូវបានបង្កើតឡើងសម្រាប់រឿងនេះ ហើយខ្ញុំគាំទ្រគំនិតរបស់រដ្ឋមន្ត្រីប៉ូទ្បូញ។ លោក Sibiga ក៏បានសង្កត់ធ្ងន់ថា នៅបរទេសសំខាន់នៅអ៊ឺរ៉ុបមិនគួរផ្តល់ឱ្យបុរសអ៊ុយក្រែនខ្លះដែលមានវ័យចំណាស់ និងគ្រប់អាយុជាយោធាមានគុណសម្បត្តិជាងអ្នកផ្សេងទៀតដែលកំពុងប្រយុទ្ធនៅលើសមរភូមិនោះទេ។ លោក​បាន​បញ្ចប់​ដោយប្រយោគថា​ “កាតព្វកិច្ច​នេះ​អនុវត្ត​ចំពោះ​មនុស្ស​គ្រប់​រូប ទោះ​ពួកគេ​នៅ​ទីណា​ក៏ដោយ​”។ ប្រជាជនអ៊ុយក្រែនជាង ៤ លាននាក់ដែលបានភៀសខ្លួនចេញពីប្រទេសរបស់ពួកគេចាប់តាំងពីការកើនឡើងនៃជម្លោះរបស់ខ្លួនជាមួយរុស្ស៊ីក្នុងឆ្នាំ ២០២២។ តាមស្ថិតិបណ្តោះអាសន្ននៅក្នុងប្រទេសសហភាពអឺរ៉ុបគិតត្រឹមខែកក្កដាឆ្នាំនេះ ក្នុងនោះបុរសពេញវ័យមានច្រើនជាងមួយភាគប្រាំនៃចំនួនសរុប។ នេះបើយោងតាមទិន្នន័យដែលផ្តល់ដោយការិយាល័យស្ថិតិរបស់ប្លុក Eurostat ។ ក្រុងគៀវ​បាន​ដាក់​ចេញ​ច្បាប់​ថ្មី​មួយ​នៅ​ឆ្នាំ​នេះ ដើម្បី​ជំរុញ​អត្រា​ដែល​ខ្លួន​បង្ខំ​ពលរដ្ឋ​ឲ្យ​ចូល​បម្រើ​យោធា ដើម្បី​ទូទាត់​សង​ការ​ខាត​បង់​ក្នុង​សមរភូមិ ខណៈ​រុស្ស៊ី​ឈាន​ទៅ​មុខ​នៅ Donbass។ នៅក្រោមច្បាប់ថ្មីនេះ អ៊ុយក្រែនបានបន្ទាបអាយុសម្រាប់កាតព្វកិច្ចយោធាមកត្រឹម ២៥ ឆ្នាំ ខណពីមុន ២៧ ឆ្នាំ។ ក្រុងគៀវក៏បានបញ្ជាឱ្យបុរសអ៊ុយក្រែនដែលរស់នៅក្រៅប្រទេសធ្វើបច្ចុប្បន្នភាពព័ត៌មានលំអិតអំពីការតព្វកិច្ចទាហានរបស់ពួកគេតាមអ៊ីនធឺណិត ហើយបានអំពាវនាវឱ្យពួកគេត្រឡប់មកវិញ និងចូលរួមប្រយុទ្ធ។ មេដឹកនាំអ៊ុយក្រែន លោក វ្ល៉ាឌីមៀ ហ្សេលេនស្គី បានអះអាងកាលពីខែកុម្ភៈថា ប្រទេសរបស់លោកបានទទួលរងនូវអ្នកស្លាប់ប្រមាណ ៣១,០០០នាក់។ ចំណែកកាលពីដើមសប្តាហ៍នេះ លេខាធិការនៃក្រុមប្រឹក្សាសន្តិសុខរុស្ស៊ី លោក Sergey Shoigu បានចោទប្រកាន់ទីក្រុង Kiev ពីការបដិសេធឱកាសជាច្រើនដើម្បីបញ្ចប់អរិភាព ដោយលើកឡើងពីចំនួនអ្នកស្លាប់ខ្ពស់ក្នុងចំណោមទាហានអ៊ុយក្រែន៕

ព័ត៌មានទាក់ទង