ខេត្តសៀមរាប៖លោក ខ្វៃ អាទិត្យា បានឱ្យដឹងថា នៅក្នុងឱកាសនោះក្រុមការងារបានតេស្តគុណភាពខ្យល់ ដោយបានយកឧបករណ៍មកវិភាគនៅទីតាំងជនភៀសសឹកស្រែណូយ ដោយទទួលបានលទ្ធផល ល្អណាស់ PM2.5=12 µg/m³។ លោក ខ្វៃ អាទិត្យា អនុរដ្ឋលេខាធិការក្រសួងបរិស្ថាន និងក្រុមការងារអគ្គនាយកដ្ឋានគាំពារបរិស្ថាន នៅព្រឹកថ្ងៃទី១៣ ខែធ្នូ ឆ្នាំ២០២៥ បានចុះដល់ទីតាំងសុវត្ថិភាពស្រែណូយ ស្ថិតនៅភូមិវត្តស្រែណូយ ឃុំស្រែណូយ ស្រុកវារិន ខេត្តសៀមរាប មានប្រមាណជនភៀសសឹក ស្នាក់នៅ ៦០០គ្រួសារ មានប្រជាពលរដ្ឋ ប្រមាណ ២,១០០នាក់។ លោក ខ្វៃ អាទិត្យា បានបន្ថែមថា ប្រើប្រាស់ទឹកស្អាត (មានស្រះសម្រាប់ងូត បោកគក់ទំហំប្រមាណ ៥០x ៣០x៣ម) ក្រុមការងារបានធ្វើតេស្តទឹកស្រះជាបឋម ដែលទទួលបានលទ្ធផល៖ ស៊ីតុណ្ហភាព=25.96 °C, pH=7.28, និងDO=4.77 mg/L លទ្ធផលបឋមនេះបានបង្ហាញថា ទឹកស្រះដែលប្រជាជនភាសសឹកនៅទីតាំងស្រែណូយ យកមកប្រើប្រាស់សម្រាប់ងូត និងបោកគក់មិនទទួលរងការបំពុលនោះទេ។ ក្រុមការងារក៏បានយកសំណាកទឹកស្រះចំនួន១សំណាក ទៅវិភាគនៅមន្ទីរពិសោធន៍ ក្រសួងបរិស្ថាន ដើម្បីផ្ទៀងផ្ទាត់លទ្ធផល។ លោក ខ្វៃ អាទិត្យា បានបញ្ជាក់ថា ក្រសួងបរិស្ថាន បន្ថែមលើធុងសំរាម ដែលក្រសួងបានផ្តល់ជូន មន្ទីរបានផ្តល់បាវ ដល់ប្រជាជន ដើម្បីទុកដាក់សំរាមណល់រឹងទីប្រជុំជន រួចមានឡានរបស់របស់រដ្ឋបាលស្រុកវ៉ារិន ដែលបានទទួលពីក្រសួងបរិស្ថាន សម្រាប់ដឹកទៅចាក់នៅទីលានចាក់សំរាមសំណល់រឹងទីប្រជុំជនក្រោយផ្សារស្រែណូយ៕

ព័ត៌មានទាក់ទង