ការប្រកាសនេះ គូសបញ្ជាក់ពីការប្រកួតប្រជែងដ៏ក្ដៅគគុកក្នុងចំណោមក្រុមហ៊ុនបច្ចេកវិទ្យាធំៗ ដូចជា OpenAI, Microsoft, Meta Platforms និង Amazon ដែលសុទ្ធតែកំពុងចំណាយរាប់ពាន់លានដុល្លារលើមជ្ឈមណ្ឌលទិន្នន័យផ្តោតលើ AI។ ឆ្លើយតបនឹងការវិនិយោគនេះ នាយកប្រតិបត្តិ (CEO) ក្រុមហ៊ុន Alphabet លោក Sundar Pichai បានបញ្ជាក់ថា៖ «ការវិនិយោគនេះនឹងបង្កើតការងាររាប់ពាន់កន្លែង ផ្តល់ការបណ្តុះបណ្តាលជំនាញដល់និស្សិតមហាវិទ្យាល័យ និងសិក្ខាកាមផ្នែកអគ្គិសនី ព្រមទាំងជំរុញគំនិតផ្តួចផ្តើមតម្លៃថាមពលសមរម្យនៅទូទាំងរដ្ឋតិចសាស់»។ ក្រុមហ៊ុនបច្ចេកវិទ្យាខ្នាតយក្ស Google បានប្រកាសពីគម្រោងវិនិយោគដ៏មហិមាបំផុតរបស់ខ្លួននៅសហរដ្ឋអាមេរិក ដោយនឹងចំណាយ ៤០ ពាន់លានដុល្លារ លើមជ្ឈមណ្ឌលទិន្នន័យថ្មីចំនួនបីនៅរដ្ឋតិចសាស់ត្រឹមឆ្នាំ ២០២៧។ គោលដៅចម្បងនៃការវិនិយោគនេះ គឺដើម្បីពង្រីកសមត្ថភាពហេដ្ឋារចនាសម្ព័ន្ធរបស់ Google ក្នុងការទ្រទ្រង់ និងជំរុញគំនិតផ្តួចផ្តើមបច្ចេកវិទ្យាបញ្ញាសិប្បនិម្មិត (AI) ដែលកំពុងតែកើនឡើងយ៉ាងគំហុក។ ការបោះទុនដ៏ធំនេះ ធ្វើឲ្យរដ្ឋតិចសាស់ក្លាយជាទីតាំងដែល Google វិនិយោគធំជាងគេបំផុតនៅក្នុងរដ្ឋណាមួយនៃសហរដ្ឋអាមេរិក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី១៥ ខែវិច្ឆិកា ឆ្នាំ២០២៥។ មជ្ឈមណ្ឌលទិន្នន័យថ្មីទាំងបីនឹងស្ថិតនៅក្នុងខោនធី Armstrong និង Haskell ខណៈ Google ក៏បន្តវិនិយោគលើបរិវេណ Midlothian និងតំបន់ Cloud Dallas ដែលមានស្រាប់ផងដែរ។ ការវិនិយោគនេះត្រូវបានស្វាគមន៍ដោយអភិបាលរដ្ឋតិចសាស់ លោក Greg Abbott ដែលបានថ្លែងថា៖ «ការវិនិយោគ ៤០ ពាន់លានដុល្លាររបស់ Google ធ្វើឲ្យរដ្ឋតិចសាស់ក្លាយជាកន្លែងដែល Google វិនិយោគធំជាងគេបំផុតនៅក្នុងរដ្ឋណាមួយនៃប្រទេស និងគាំទ្រដល់គំនិតផ្តួចផ្តើមប្រសិទ្ធភាពថាមពល និងការអភិវឌ្ឍន៍កម្លាំងពលកម្មនៅក្នុងរដ្ឋរបស់យើង»។ ទោះបីជាយ៉ាងណាក៏ដោយ ការចំណាយដ៏ច្រើនលើ AI នាពេលបច្ចុប្បន្នបានធ្វើឱ្យអ្នកវិភាគមួយចំនួនមានការព្រួយបារម្ភ។ ពួកគេបានព្រមានថា ការវិនិយោគដ៏គំហុកនេះ អាចស្រដៀងនឹង «Tech Bubble» ឬ «តម្លៃភាគហ៊ុនឡើងថ្លៃហួសហេតុ» កាលពីអតីតកាល ដោយការវាយតម្លៃ និងការចំណាយលើសពីទិន្នផលរយៈពេលខ្លី។ ក្រុមអ្នកជំនាញទាំងនេះយល់ថា ការព្យាករណ៍តម្រូវការ AI អាចនឹងក្លាយជាសុទិដ្ឋិនិយមខ្លាំងពេក ប្រសិនបើការទទួលយក AI មិនកើនឡើងស្របតាមល្បឿននៃការចំណាយទុន៕

ព័ត៌មានទាក់ទង