ខេត្តតាកែវ៖បើយោងតាមលោក ឈូក ប៊ុនថន ប្រធានមន្ទីរទេសចរណ៍ខេត្តតាកែវ បានឱ្យដឹងថា ក្នុងចំណោមភ្ញៀវទេសចរសរុបជិត ៥ម៉ឺននាក់នោះ រួមមានភ្ញៀវទេសចរជាតិ៖ ចំនួន ៤៧,១៤៤នាក់ និងភ្ញៀវទេសចរបរទេស ចំនួន ៣០២នាក់ បានមកលេងកម្សាន្តសប្បាយនៅតាមតំបន់រមណីយដ្ឋាន និងទស្សនាតាមប្រាសាទនានារបស់ខេត្តតាកែវ។ ខេត្តតាកែវបានទទួលស្វាគមន៍ភ្ញៀវទេសចរយ៉ាងច្រើនកុះកររហូតដល់ ៤៧,៤៤៦ នាក់ ក្នុងរយៈពេល ៣ថ្ងៃនៃព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ ដែលប្រារព្ធឡើងចាប់ពីថ្ងៃទី៤ ដល់ថ្ងៃទី៦ ខែវិច្ឆិកា ឆ្នាំ២០២៥។ បើតាមលោកប្រធានមន្ទីរទេសចរណ៍ខេត្តតាកែវ ចំនួនភ្ញៀវទេសចរភាគច្រើនក៍បានមកចូលរួមសប្បាយរីករាយក្នុងកម្មវិធី ដាល់អំបុកសាមគ្គី នៅសួនច្បារមាត់បឹងតាកែវ ព្រមទាំងទស្សនាការបាញ់កាំជ្រួច ក៏ដូចជាដើរទិញផលិតផលខ្មែរ ពីផ្សារចុងសប្តាហ៍ដែលបានដំណើរក្នុងពិធីបុណ្យអុំទូក ជាពិសេសបងប្អូនប្រជាពលរដ្ឋ ពួកគាត់ក៏មកមើលកមន្សាន្តការរៀបចំពិធីបុណ្យអុំទូកនៅតាមបណ្តាស្រុកផងដែរ៕

ព័ត៌មានទាក់ទង