មិនត្រឹមតែជាការផ្តល់ជំនួយហិរញ្ញវត្ថុណ្ណោះទេ​ នៅពេលដែលការិយាល័យ​ LA របស់ YouTube អាចបើកដំណើរការឡើងវិញដោយសុវត្ថិភាព ក្រុមហ៊ុនយក្សនេះមានបំណងផ្តល់ជូនអ្នកផលិតមាតិទាំងអស់ដែលរងផលប៉ះពាល់ អាចចូលប្រើប្រាស់កន្លែងផលិតវីដេអូរបស់ខ្លួន «ដើម្បីស្តារ និងកសាងអាជីវកម្មរបស់ពួកគេឡើងវិញ» ក៏ដូចជាចូលប្រើប្រាស់ community events បានផងដែរ។ ការប្រកាសនេះ​ កើតឡើងប៉ុន្មានថ្ងៃមុនការហាមឃាត់នៅលើ TikTok ដែលគ្រោងនឹងធ្វើឡើងនៅថ្ងៃអាទិត្រខាងមុខ ត្រូវនឹងថ្ងៃទី១៩ ខែមករា ឆ្នាំ២០២៥។ ខណៈដែលអ្នកបង្កើតមាតិកា (ឬ Content Creator) ជាច្រើនត្រូវបានគេរាយកាណ៍ថា កំពុងស្នើសុំ Follower របស់ពួកគេឱ្យជួយ follow នៅបណ្តាញសង្គមផ្សេងទៀតដូចជា YouTube Shorts ដែលជាវេទិកាវីដេអូទម្រង់ខ្លីនៅក្នុង YouTube, Instagram Reels របស់ Meta និងកម្មវិធី RedNote របស់ចិនដែលកំពុងទទួលបានប្រជាប្រិយភាពខ្លាំង ដោយកម្មវិធីទាំងអស់នេះសុទ្ធតែជាដៃគូប្រគួតប្រជែងជាមួយ TikTok។ ថ្មីៗនេះ នាយកប្រតិបត្តិ (CEO) លោក Neal Mohan បានប្រកាសនៅក្នុងការបង្ហោះប្លុកថា Google និង YouTube នឹងបរិច្ចាគថវិកាចំនួន ១៥ពាន់លានដុល្លារ​ ដើម្បីគាំទ្រសហគមន៍ Los Angeles និង អ្នកបង្កើតមាតិកាដែលបានរងផលប៉ះពាល់ដោយសារភ្លើងឆេះព្រៃ។​ មូលនិធិនេះ នឹងត្រូវបានបែងចែកទៅឱ្យអង្គការសង្គ្រោះក្នុងស្រុកនានា រួមទាំងកាកបាទក្រហមអាមេរិក បណ្តាញសង្គ្រោះបន្ទាន់ទីក្រុង Los Angeles មជ្ឈមណ្ឌលសម្រាប់ជំនួយគ្រោះមហន្តរាយ និងវិទ្យាស្ថានសម្រាប់ព័ត៌មានមិនស្វែងរកប្រាក់ចំណេញ។ នេះបើយោងតាមការចេញផ្សាយដោយ CNBC នៅថ្ងៃទី១៥ ខែមករា ឆ្នាំ២០២៥។ ទន្ទឹមនឹងនេះលោក​ Mohan បានសរសេរថា «នៅក្នុងពេលវេលាបែបនេះ យើងឃើញអំណាចនៃសហគមន៍រួមគ្នាដើម្បីគាំទ្រគ្នាទៅវិញទៅមក--ហើយភាពរឹងមាំ និងភាពធន់នៃសហគមន៍ YouTube មិនដូចអ្វីផ្សេងទៀតទេ»។ គួរជម្រាបថា ក្រុមហ៊ុនផ្សេងទៀតនៅក្នុងវិស័យកម្សាន្ត រួមទាំងក្រុមហ៊ុន Meta, Netflix និង Comcast ក៏បានប្រកាសបរិច្ចាគយ៉ាងច្រើនដល់កិច្ចខិតខំប្រឹងប្រែងសង្គ្រោះភ្លើងឆេះព្រៃនេះផងដែល​ ដោយ Meta និងបរិច្ចាគ ៤លានដុល្លារ ខណៈ​ Netflix និង Comcast និងបរិច្ចាគ ១០លានដុល្លារ។ ទាំងនេះ គឺបង្ហាញពីការឆ្លើយតបរួមគ្នាពីក្រុមហ៊ុនបច្ចេកវិទ្យា និងប្រព័ន្ធផ្សព្វផ្សាយធំៗ ដើម្បីជួយដល់អ្នកដែលរងផលប៉ះពាល់ដោយភ្លើងឆេះព្រៃ៕

ព័ត៌មានទាក់ទង