នាយកដ្ឋាននេះ បានឲ្យដឹង នៅក្នុងសេចក្តីថ្លែងការណ៍មួយដែលចេញផ្សាយនៅលើគេហទំព័ររបស់ស្ថានទូតអាមេរិកនៅទីក្រុងគៀវថា ដើម្បីសុវត្ថិភាព ដូច្នេះស្ថានទូតនឹងត្រូវបិទទ្វារ និងជូនដំណឹងដល់មន្ត្រី ឲ្យប្រុងប្រយ័ត្ន។ ស្ថានទូតសហរដ្ឋអាមេរិក នៅក្នុងទីក្រុងគៀវ បានទទួលព័ត៌មាននៃការវាយប្រហារតាមអាកាសដ៏មានសក្តានុពលមួយ នៅថ្ងៃពុធនេះ ដែលនាំឲ្យមានការបិទទ្វារជាបណ្ដោះអាសន្ន ។ នេះបើយោងតាមក្រសួងការបរទេសសហរដ្ឋអាមេរិក លើកឡើងនៅក្នុងសេចក្តីថ្លែងការណ៍មួយ ។ ទន្ទឹមនោះ ស្ថានទូត ក៏បានព្រមានពលរដ្ឋអាមេរិកឱ្យត្រៀមខ្លួនជាបន្ទាន់ ក្នុងករណីមានការប្រកាសអាសន្នការវាយប្រហារតាមអាកាស ។ ការព្រមាននេះ ធ្វើឡើងមួយថ្ងៃ បន្ទាប់ពីអ៊ុយក្រែន បានប្រើប្រាស់ប្រព័ន្ធមីស៊ីល ATACMS របស់សហរដ្ឋអាមេរិក វាយប្រហារជ្រៅចូលទឹកដីរុស្ស៊ី ៕

ព័ត៌មានទាក់ទង