កីឡាករសញ្ជាតិអង់គ្លេសវ័យ ២២ ឆ្នាំរូបនេះបានចូលរួមជាមួយ Villa ពី Middlesbrough ក្នុងខែមករា ឆ្នាំ 2024 ក្នុងកិច្ចព្រមព្រៀងដែលមានតម្លៃ ៨ លានផោន បូករួមទាំងការបន្ថែមចំនួន ៧ លានផោនទៀត។ ខ្សែបម្រើប្រយុទ្ធរបស់ក្លឹប Aston Villa កីឡាករ Morgan Rogers បានបន្តកុងត្រាថ្មីជាមួយក្លឹបរហូតដល់ឆ្នាំ ២០៣០។ Rogers បានជួយ Villa បញ្ចប់ក្នុងចំណាត់ថ្នាក់លេខ ៤ ក្នុង Premier League ​កាលពីរដូវកាលមុន ហើយបានក្លាយជាកីឡាករ​ដ៏លេចធ្លោបំផុតក្នុងក្រុមរបស់លោក Unai Emery ក្នុងអំឡុងពេលយុទ្ធនាការបច្ចុប្បន្ននេះ។ Rogers បានស៊ុតបញ្ចូលទីបាន ៣ គ្រាប់ និងបញ្ជូនបាល់ឱ្យមិត្តរួមក្រុមចំនួន ៣ ដងក្នុងការបង្ហាញខ្លួន ១៥ លើកសម្រាប់ Villa នៅរដូវកាលនេះ ហើយបានចាប់ផ្តើមក្នុងការប្រកួត Champions League ឈ្នះជាមួយក្រុម Bayern Munich, Young Boys និង Bologna ។ ទម្រង់លេងរបស់​ Rogers ទទួលបានការកោះហៅពីក្រុមជម្រើសជាតិអង់គ្លេស ហើយរូបគេបានបង្ហាញខ្លួនជាអន្តរជាតិដំបូង​ ក្នុងជំនួសទល់នឹងក្រិក នៅ ​Nations League កាលពីថ្ងៃព្រហស្បតិ៍៕

ព័ត៌មានទាក់ទង