យោងតាមរដ្ឋបាលព័ត៌មានថាមពលអាមេរិក (EIA) វ៉េណេស៊ុយអេឡា​ មានប្រេងឆៅ ៣០៣ពាន់លានបារ៉ែល ដែលប្រហែលមួយភាគប្រាំនៃទុនបម្រុងសកលរបស់ពិភពលោក។ ប្រេងឆៅដ៏ច្រើនសន្ធឹកសន្ធាប់នោះនឹងដើរតួនាទីយ៉ាងសំខាន់នៅក្នុងអនាគតរបស់សហរដ្ឋអាមេរិក។ ប្រធានាធិបតី ដូណាល់ ត្រាំ កាលពីថ្ងៃសៅរ៍សប្តាហ៍នេះ​ បាននិយាយថា សហរដ្ឋអាមេរិកនឹងគ្រប់គ្រងទុនបម្រុងប្រេងដ៏ច្រើនសន្ធឹកសន្ធាប់របស់វ៉េណេស៊ុយអេឡា ហេីយជ្រើសរើសក្រុមហ៊ុនអាមេរិកឱ្យវិនិយោគជាទឹកប្រាក់រាប់ពាន់លានដុល្លារ ដើម្បីជួសជុលឧស្សាហកម្មប្រេងដែលរងការខូចខាតរបស់ប្រទេសនេះឡើងវិញ ខណៈអ្នកជំនាញនិយាយថា ដំណើរការមួយអាចចំណាយពេលច្រើនឆ្នាំ។ នេះបេីយោងតាមការចេញផ្សាយដោយសារព័ត៌មាន CNN និង Reuters។ ត្បិតវ៉េណេស៊ុយអេឡា មានទុនបម្រុងប្រេងប៉ាន់ស្មានធំបំផុតរបស់ពិភពលោក ប៉ុន្តែទិន្នផលបានធ្លាក់ចុះក្នុងរយៈពេលច្រើនទសវត្សរ៍កន្លងមក ចំពេលមានការគ្រប់គ្រងមិនត្រឹមត្រូវ និងកង្វះការវិនិយោគពីក្រុមហ៊ុនបរទេស បន្ទាប់ពីក្រុមហ៊ុនប្រេងរដ្ឋវ៉េណេស៊ុយអេឡា ធ្វេីប្រតិបត្តិការក្នុងទសវត្សរ៍ឆ្នាំ ២ ០០០ ដែលមានភាគលាភរបស់ក្រុមហ៊ុនអាមេរិក ដូចជា Exxon Mobil និង ConocoPhillips។ ក្រុមហ៊ុនប្រេង និងឧស្ម័នធម្មជាតិរដ្ឋវ៉េណេស៊ុយអេឡា PDVSA បានឱ្យដឹងថា បំពង់បង្ហូរប្រេងរបស់ខ្លួនមិនបនាដំណេីរការអស់រយៈពេល ៥០ឆ្នាំមកហើយ ហើយការចំណាយលើការធ្វើបច្ចុប្បន្នភាពហេដ្ឋារចនាសម្ព័ន្ធដើម្បីត្រឡប់ទៅកម្រិតផលិតកម្មកំពូលវិញនឹងចំណាយអស់ ៥៨ពាន់លានដុល្លារ។ ក្រុមអ្នកវិភាគ បានប្រាប់ Reuters ថាក្រុមហ៊ុនទាំងឡាយណាដែលចង់វិនិយោគនៅវ៉េណេស៊ុយអេឡា ត្រូវដោះស្រាយបញ្ហាសន្តិសុខ ហេដ្ឋារចនាសម្ព័ន្ធដែលខូច ។ ម្យ៉ាងទៀតក៏នឹងមានសំណួរជុំវិញភាពស្របច្បាប់នៃប្រតិបត្តិការយោធាអាមេរិកដើម្បីចាប់ខ្លួន លោក ម៉ាឌូរ៉ូ ក៏ដូចជាបញ្ហាអស្ថិរភាពនយោបាយរយៈពេលវែងផងដែរ។ លោក Mark Christian នាយកផ្នែកអភិវឌ្ឍអាជីវកម្មនៅ CHRIS Well Consulting និយាយថា ក្រុមហ៊ុនអាមេរិកនឹងមិនត្រឡប់ទៅវ៉េណេស៊ុយអេឡាវិញទេ លុះត្រាតែពួកគេដឹងច្បាស់ថាពួកគេអាចរកលុយបាន ហើយយ៉ាងហោចណាស់ប្រាកដថាខ្លួនមានសុវត្ថិភាព។ លោកក៏បាននិយាយថា ក្រុមហ៊ុនទាំងនោះ នឹងមិនត្រឡប់ទៅវិញទេ រហូតទាល់តែទណ្ឌកម្មប្រឆាំងវ៉េណេស៊ុយអេឡា ត្រូវបានដកចេញ។ គួរបញ្ជាក់ថា ការកែទម្រង់ដឹកនាំដោយ សហរដ្ឋអាមេរិក អាចធ្វើឱ្យវ៉េណេស៊ុយអេឡាក្លាយជាអ្នកផ្គត់ផ្គង់ប្រេងកាន់តែធំជាងមុន និងអាចបង្កើតឱកាសសម្រាប់ក្រុមហ៊ុន ប្រេងលោកខាងលិច និងអាចបម្រើជាប្រភពផលិតកម្មថ្មីមួយ។ វាក៏អាចគ្រប់គ្រងតម្លៃកាន់តែទូលំទូលាយបានដែរ ទោះបីជា តម្លៃទាបធ្វើឱ្យក្រុមហ៊ុនអាមេរិកមួយចំនួន មិនអាចផលិតប្រេងបានក៏ដោយ៕

ព័ត៌មានទាក់ទង