ការតវ៉ាទាំងនេះបានផ្ទុះឡើង បន្ទាប់ពីហេតុការណ៍ដំបូលស្ថានីយ៍រថភ្លើងដួលរលំនៅទីក្រុង Novi Sad កាលពីខែវិច្ឆិកា ដែលបណ្តាលឱ្យមនុស្ស ១៥ នាក់ស្លាប់។នាយករដ្ឋមន្ត្រីស៊ែប៊ី លោក Milos Vucevic នៅថ្ងៃអង្គារនេះបានប្រកាសលាលែងពីតំណែង ក្រោយរងសម្ពាធពីការតវ៉ាប្រឆាំងអំពើពុករលួយ ទ្រង់ទ្រាយធំនៅទូទាំងប្រទេស។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ «ខ្ញុំបានជ្រើសរើសជំហាននេះ ដើម្បីកាត់បន្ថយភាពតានតឹង» លោក Vucevic បានថ្លែងក្នុងសន្និសីទសារព័ត៌មាន ដោយបញ្ជាក់ថា អភិបាលក្រុង Novi Sad ក៏នឹង លាលែងពីតំណែងផងដែរ។ លោកបានអះអាងថា តាមរយៈការលាលែងនេះរាល់ការទាមទាររបស់ក្រុមអ្នកតវ៉ាត្រូវបានបំពេញ។ បាតុកររាប់ពាន់នាក់ដែលរួមមានសិស្ស គ្រូបង្រៀន និងកម្មករបានចោទប្រកាន់ រដ្ឋាភិបាលរបស់ប្រធានាធិបតី Aleksandar Vucic ថា បានបណ្តោយឱ្យមាន អំពើពុករលួយរីករាលដាល ដែលជាហេតុនាំឱ្យ កើតមានឧប្បត្តិហេតុនៅស្ថានីយ៍រថភ្លើង៕

ព័ត៌មានទាក់ទង