ប៉ុស្តិ៍ Telegram គាំទ្ររុស្ស៊ីបានចេញផ្សាយវីដេអូរនោះកាលពីថ្ងៃពុធ ហើយបានអះអាងថាវាកំពង់បង្ហាញពីសមិទ្ធិផលជោគជ័យនៃកងវរសេនាធំឆ្មាំទី ៥១ នៃកងទ័ពអាកាសរុស្ស៊ីនៅជិតការតាំងទីលំនៅរបស់ Snagost ។ តាមខ្សែវីដេអូរបង្ហាញថា កងកម្លាំងរុស្ស៊ីហាក់ដូចជាកំពុងជំរុញកងទ័ពអ៊ុយក្រែនត្រឡប់មកវិញនៅក្នុងតំបន់ដែលគ្រប់គ្រងដោយទីក្រុងគៀវ នៃតំបន់ Kursk របស់រុស្ស៊ី។ ខ្សែវីដេអូនោះត្រូវបានគេផ្សព្វផ្សាយតាមអ៊ីនធឺណិតដើម្បីបង្ហាញពីសកម្មភាពដកថយយ៉ាងលឿនរបស់កងទ័ពអ៊ុយក្រែន។ ក្រសួងការពារជាតិរុស្ស៊ី មិនបានបញ្ជាក់ថា ការវាយលុកបានចាប់ផ្តើមពីពេលណានោះទេ។ សូមជម្រាបថា ក្រុងគៀវ​បាន​ពង្រាយ​ទាហាន​ប្រដាប់​អាវុធ​ច្រើន​ពាន់​នាក់​សម្រាប់​ប្រតិបត្តិការ​របស់​ខ្លួន​លើទឹក​ដី​រុស្ស៊ី។យោង​តាម​យោធា​រុ​ស្ស៊ី ជន​រង​គ្រោះ​នៅ​អ៊ុយ​ក្រែ​ន​បាន​កើន​លើស ​១០.០០០ ​នាក់ហើយ​ក្នុង​អំឡុង​ពេល​នៃការ​លុកលុយ​រយៈពេល​មួយ​ខែចូលទឹកដីរុស្ស៊ី ។ វីដេអូវែងបំផុតត្រូវបានថតចេញពីយន្តហោះគ្មានមនុស្សបើក និងបង្ហាញពីអ្វីដែលហាក់ដូចជាសមរភូមិនៅតំបន់ជនបទដែលមានរថពាសដែកជាច្រើនគ្រឿង។ ចំណែកវីដេអូរមួយ​ទៀត​បង្ហាញ​ពី​ក្រុម POWs អ៊ុយក្រែន​ដើរ​តាម​ផ្លូវ ខណដែលពួកគេ​ខ្លះ​លើកដៃដាក់​​ពី​ក្រោយ​ក្បាល ខណៈ​ខ្លះ​ទៀត​លើកសែង​សមមិត្ត​របស់ពួកគេដែល​រង​របួស។ តំបន់ Snagost ត្រូវ​បាន​ក្រសួង​ការពារជាតិ​រុស្ស៊ី​លើក​ឡើង​ថា​ជា​ទីតាំង​ដែល​ការ​ប្រយុទ្ធ​ប្រឆាំង​នឹង​កងទ័ព​អ៊ុយក្រែន​ដែល​ឈ្លានពាន​បាន​និង​កំពុង​ប្រព្រឹត្ត​ទៅ​ជា​ប្រចាំ និងយ៉ាងប្រឈម។ វាស្ថិតនៅចម្ងាយប្រហែល 7km ភាគអាគ្នេយ៍នៃទន្លេ Seim ដែលជាទីតាំងគួរឱ្យកត់សម្គាល់ដែលជួយកំណត់អត្តសញ្ញាណទីតាំងនៅក្នុងវីដេអូនោះ។ កងទ័ពអ៊ុយក្រែនបានកំណត់គោលដៅលើស្ពានឆ្លងកាត់ Seim ហើយផ្តុំទ័ពបន្ថែមទៀតទៅភាគខាងលិច ដើម្បីធ្វើឱ្យទឹកដីក្រោមការគ្រប់គ្រងរបស់ពួកគេកាន់តែងាយស្រួលក្នុងការការពារពីការវាយប្រហារចូលជ្រៅលើដីរបស់រុស្ស៊ី តែមកដល់ពេលនេះមិនទទួលបានលទ្ធផលល្អនោះទ្បើយ៕

ព័ត៌មានទាក់ទង