រាជធានី​ភ្នំពេញ ៖ប្រតិបត្តិការនេះធ្វើឡើងដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងតបតាមអនុសាសន៍ដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា សំដៅទប់ស្កាត់ និងបង្ការករណីគ្រោះថ្នាក់ចរាចរណ៍ ដែលជាសញ្ញាណគួរឲ្យព្រួយបារម្ភ។ លទ្ធផលនៃការរឹតបន្ដឹងច្បាប់ចរាចរណ៍ និងត្រួតពិនិត្យជាតិអាល់កុល នៅយប់ថ្ងៃទី០៣ ខែមីនា ឆ្នាំ២០២៤ ក្រោមការបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាល រាជធានីភ្នំពេញ កម្លាំងសមត្ថកិច្ចបានឃាត់យានយន្ដល្មើសចំនួន ៨៧គ្រឿង ក្នុងនោះរថយន្តចំនួន ១៩គ្រឿង និងម៉ូតូ ៦៨គ្រឿង។ ជាលទ្ធផលតាមបណ្តាអធិការដ្ឋាននគរបាលខណ្ឌ បានចុះអនុវត្តរឹត បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖ ឃាត់យានយន្តល្មើស សរុបចំនួន ៨៧គ្រឿង (រថយន្ត ចំនួន ១៩គ្រឿង និងម៉ូតូចំនួន ៦៨គ្រឿង)៖ *ទី១៖ ល្មើសជាតិស្រវឹង ចំនួន៥៥គ្រឿង +កម្រិត ០.២៥ - ០.៣៩ mg/L ចំនួន២០គ្រឿង, អ្នកបើកបរម៉ូតូ ចំនួន១៧នាក់, អ្នកបើកបររថយន្ត ចំនួន០៣នាក់ +កម្រិត ០.៤០ mg/L ឡើង ចំនួន៣៥គ្រឿង, អ្នកបើកបរម៉ូតូ ចំនួន២៤នាក់, អ្នកបើកបររថយន្ត ចំនួន១១នាក់ *ទី២៖ បទល្មើសផ្សេងៗ ចំនួន៣៤គ្រឿង, អត់មួកសុវត្ថិភាព ចំនួន២៥នាក់, រថយន្តគ្មានប័ណ្ណបើកបរ ចំនួន០២គ្រឿង, ម៉ូតូល្មេីសសញ្ញាចរាចរណ៍​ ចំនួន០២គ្រឿង, រថយន្តល្មេីសសញ្ញាចរាចរណ៍​ ចំនួន០៣គ្រឿង ទី៣៖ វិធានការអប់រំ ចំនួន​២៤៣នាក់ +​ អប់រំអ្នកបេីកបរមានអាល់កុលក្រោម​ ០.២៥ mg/L ចំនួន​១៦០នាក់, អ្នកបេីកបររថយន្ត​ ចំនួន១០១នាក់, អ្នកបេីកបរម៉ូតូ ចំនួន៥៩នាក់ +​ អប់រំអ្នកបេីកបរមិនពាក់មួកសុវត្ថិភាព​ ចំនួន៨៣នាក់។ ថ្លែងប្រាប់បណ្ដាញព័ត៌មាន Fresh News លោកឧត្តមសេនីយ៍ឯក ជួន ណារិន្ទ បានអះអាងថា «កម្លាំងសមត្ថកិច្ចជំនាញរបស់ស្នងការដ្ឋាននគរបាលរាជធានី បានចេញយុទ្ធនាការរឹតបន្តឹងច្បាប់ ត្រួតពិនិត្យជាតិអាល់កុល ក្នុងភូមិសាស្រ្តរាជធានីភ្នំពេញ ជាប្រចាំដោយមិនលើកលែង»៕

ព័ត៌មានទាក់ទង