មន្ត្រីជាន់ខ្ពស់ក្រសួងទេសចរណ៍៖ឆ្នាំ២០២៣ កម្ពុជាទទួលបានទេសចរអន្តរជាតិប្រមាណ ៥,៤៥លាន និងទេសចរជាតិមានចំនួន១៨,៥លាននាក់ និងបង្កើនចំណូលចូលជាតិប្រមាណ៣ពាន់លានដុល្លារ

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

មន្ត្រីជាន់ខ្ពស់ក្រសួងទេសចរណ៍៖ឆ្នាំ២០២៣ កម្ពុជាទទួលបានទេសចរអន្តរជាតិប្រមាណ ៥,៤៥លាន និងទេសចរជាតិមានចំនួន១៨,៥លាននាក់ និងបង្កើនចំណូលចូលជាតិប្រមាណ៣ពាន់លានដុល្លារ

ចុះថ្ងៃទី: 17-01-2024, 05:32 PM, ចំនួនអ្នកអានៈ 202ដង

ខេត្តបាត់ដំបង៖ការថ្លែងនេះបានធ្វើឡើងនៅក្នុងពិធីបើកសិក្ខាសាលាផ្សព្វផ្សាយការបណ្តុះបណ្តាលបដិសណ្ឋារកិច្ច កម្ពុជា (ហូកា) អមដោយពិធីប្រគល់វិញ្ញាបនបត្រដល់សិក្ខាកាមលើជំនាញការិយាល័យជួរមុខ ម្ហូបអាហារ និងភេសជ្ជៈ និងជំនាញឆុងកាហ្វេកម្រិតមូលដ្ឋាន” រសៀលថ្ងៃទី១៥ ខែមករា ឆ្នាំ២០២៤ នៅសាលាខេត្តបាត់ដំបង ។ ឯកឧត្តមថោង រដ្ឋសក្តិ បានបញ្ជាក់ថា រាជរដ្ឋាភិបាលកម្ពុជានីតិកាលទី៧នេះ ចាត់ទុកវិស័យទេសចរណ៍ នៅតែជាវិស័យអាទិភាព និងជា «មាសបៃតង» ក្នុងការរួមចំណែកដល់ការអភិវឌ្ឍសេដ្ឋកិច្ច-សង្គម ក្នុងការកាត់បន្ថយភាពក្រីក្រហើយបានកំណត់ច្បាស់ក្នុងយុទ្ធសាស្ត្របញ្ចកោណដំណាក់កាលទី១ស្តីពីការធ្វើពិពិធកម្មសេដ្ឋកិច្ចនិងការបង្កើតការប្រកួតប្រជែង ដោយបង្កើននូវប្រភេទសេវាកម្មទេសចរណ៍និងព្រឹត្តិការណ៍ទេសចរណ៍សម្បូរបែប សំដៅទាក់ទាញភ្ញៀវទេសចរជាតិ-អន្តរជាតិឱ្យកាន់តែច្រើនទ្បើងថែមទៀត ធានាបាននូវការបង្កើតឱកាសការងារនិងបង្កើនប្រាក់ចំណូលជូនប្រជាពលរដ្ឋដោយផ្ទាល់ក្នុងមូលដ្ឋាន ជំរុញបានការនាំចេញនៅនឹងកន្លែង ពិសេសចូលរួមដល់ការអភិរក្សវប្បធម៌ និងការការពារបរិស្ថាន ធនធានធម្មជាតិប្រកបដោយប្រសិទ្ធភាព និរន្តរភាព និងការទទួលខុសត្រូវខ្ពស់ដើម្បីឈានទៅសម្រេចបានចក្ខុវិស័យកម្ពុជាឆ្នាំ២០៣០ ជាប្រទេសមានចំណូលមធ្យមកម្រិតខ្ពស់ និងឆ្នាំ២០៥០ ជាប្រទេសមានចំណូលខ្ពស់ ។ រដ្ឋលេខាធិការក្រសួងទេសចរណ៍ឯកឧត្តម ថោង រដ្ឋសក្តិ បានថ្លែងថា សម្រាប់ឆ្នាំ២០២៣ កម្ពុជាទទួលបានទេសចរអន្តរជាតិប្រមាណ ៥,៤៥លាននាក់ កើនឡើង១៣៩% និងភ្ញៀវទេសចរជាតិ មានចំនួនសរុប ១៨,៥លាននាក់ កើនឡើង៣២.៨% ធៀបនឹងឆ្នាំ២០២២ដែលបង្កើនចំណូលចូលជាតិប្រមាណ៣ពាន់លានដុល្លារអាមេរិកហើយកម្ពុជារំពឹងថា នឹងទទួលបានទេសចរអន្តរជាតិ សរុបចំនួនប្រមាណ៦,២លាននាក់នៅឆ្នាំ២០២៤ នេះ ។ ឯកឧត្តមរដ្ឋលេខាធិការក្រសួងទេសចរណ៍ បានបង្ហាញឱ្យដឹងថា ក្រសួងបានរៀបចំនូវគោលនយោបាយអភិវឌ្ឍន៍ទេសចរណ៍ច្បាស់លាស់ ជាពិសេសគំនិតផ្តួចផ្តើមថ្មី បង្កើន៥ និងអភិវឌ្ឍន៍៣ រួមមាន៖ បង្កើន៥គឺ ១.បង្កើនប្រសិទ្ធភាពនៃការគ្រប់គ្រងកិត្តិនាមកម្ពុជា ។ ២.បង្កើនប្រសិទ្ធភាពនៃការផ្សព្វផ្សាយភាពទាក់ទាញទេសចរណ៍កម្ពុជាទៅកាន់ទីផ្សារសំខាន់ៗ ។ ៣.បង្កើនប្រសិទ្ធភាពនៃការគ្រប់គ្រង និងសម្របសម្រួលកិច្ចការផ្ទៃក្នុងពាក់ព័ន្ធទៅនឹងការធ្វើដំណើររបស់ទេសចរ រួមទាំងការអភិវឌ្ឍន៍ហេដ្ឋារចនាសម្ព័ន្ធទន់និងរឹង។ ៤.បង្កើនប្រសិទ្ធភាពនៃការអភិវឌ្ឍផលិតផលទេសចរណ៍ និង៥.បង្កើនប្រសិទ្ធភាពនៃការអភិវឌ្ឍធនធាន និងគោលដៅទាក់ទាញទេសចរណ៍ប្រកបដោយភាពប្រកួតប្រជែងខ្ពស់ ចំពោះការអភិវឌ្ឍ៣ មាន៖ ១.អភិវឌ្ឍន៍រចនាសម្ព័ន្ធស្ថាប័ន ២.អភិវឌ្ឍន៍ប្រព័ន្ធឌីជីថល និង៣.អភិវឌ្ឍធនធានមនុស្ស ។ ទាក់ទងនឹងការអភិវឌ្ឍធនធានមនុស្សក្រសួងទេសចរណ៍បានដាក់ចុះនូវយុទ្ធនាការ៖ “បុគ្គលិកម្នាក់ ជំនាញមួយ ដែលមានចក្ខុវិស័យធ្វើយ៉ាងណាឱ្យអ្នកជំនាញទាំងអស់មានសមត្ថភាពទទួលស្គាល់ស្របតាមស្តង់ដាជាតិ និងអាស៊ាន ។ ការអភិវឌ្ឍធនធានមនុស្សក្នុងវិស័យទេសចរណ៍ នឹងចូលរួមដោយផ្ទាល់ក្នុងការសម្រេចគោលដៅអភិវឌ្ឍន៍ប្រកបដោយចីរភាព SDG 4 ដែលចែងថា “ធានាឲ្យបាននូវការអប់រំបណ្តុះបណ្តាលប្រកបដោយគុណភាព សមធម៌ និងបរិយាប័ន្នព្រមទាំងលើកកម្ពស់ការសិក្សាពេញមួយជីវិតដល់ជនគ្រប់រូប”៕

ព័ត៌មានទាក់ទង

ចុះថ្ងៃទី: 27-07-2024, 07:00 AM, ចំនួនអ្នកអានៈ 31ដង

រាជធានីភ្នំពេញ៖មហាសន្និបាតសហព័ន្ធអតីតយុទ្ធជនបណ្តាប្រទេសអាស៊ាន នេះមានការចូលរួមពីបណ្តាសមាគម និងអង្គការអតីតយុទ្ធជន ដែលជាប្រទេសសមាជិកអាស៊ានទាំងអស់ផងដែរ។នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្រ្តីទទួលបន្ទុកបេសកកម្មពិសេស អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា �