Meta បានប្រកាសថា ពួកគេចង់បន្តចំណាយដោយខ្លួនឯងចំពោះការអភិវឌ្ឍធនធានសំខាន់ៗ ប៉ុន្តែការចូលរួមជាមួយដៃគូនឹងផ្តល់នូវភាពបត់បែន និងការចែករំលែកហានិភ័យ។ វាជាវិធីមួយក្នុងការគ្រប់គ្រងការចំណាយធំៗសម្រាប់អនាគត។ ការចំណាយលើ AI កំពុងកើនឡើងយ៉ាងខ្លាំង ដូច្នេះ Meta បានបន្ថែមការព្យាករណ៍ចំណាយ សម្រាប់ឆ្នាំ២០២៥ ដល់ចន្លោះ ៦៦ពាន់លានដុល្លារ ដល់ ៧២ពាន់លានដុល្លារ។ ចំណាយភាគច្រើន ត្រូវបានប្រើសម្រាប់បង្កើតមូលដ្ឋានគ្រឹះសម្រាប់ AI ។ នៅថ្ងៃទី០១ ខែសីហា ឆ្នាំ២០២៥ ក្រុមហ៊ុន Meta Platforms បានប្រកាសថា ត្រូវលក់ទ្រព្យសម្បត្តិ រួមមានដីសម្រាប់សង់មជ្ឈមណ្ឌលទិន្នន័យ និងគម្រោងសំណង់ដែលកំពុងអភិវឌ្ឍន៍ ទាំងនេះមានតម្លៃសរុបប្រហែល ២.០៤ ពាន់លានដុល្លារ។ គោលបំណងនៃការលក់ គឺដើម្បីទាក់ទាញដៃគូរហិរញ្ញវត្ថុឯកជន មកចូលរួមអភិវឌ្ឍមជ្ឈមណ្ឌលទិន្នន័យសម្រាប់បច្ចេកវិទ្យា AI។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី០២ ខែសីហា ឆ្នាំ២០២៥។ Meta ក៏បានបង្ហាញថា ចំណាយទាំងនេះនឹងកើនឡើងបន្ថែមទៀតនៅក្នុងឆ្នាំ២០២៦ ដោយ AI និងបច្ចេកវិទ្យាផ្សេងៗក្លាយជាបញ្ហាចម្បងនៃចំណាយរបស់ក្រុមហ៊ុន។ គម្រោងសំខាន់សម្រាប់ Meta នោះគឺការសាងសង់ AI Superclusters។ CEO លោក Mark Zuckerberg បានប្តេជ្ញាចិត្តក្នុងការសង់ AI Superclusters នៅតាមតំបន់ដូចជា នៅរដ្ឋអូហាយូ និង រដ្ឋលូស៊ីអាណា។ គម្រោងទាំងនេះមានទំហំដូចជាផ្នែកមួយនៃក្រុង Manhattan និងអាចប្រើប្រាស់ថាមពល ១ ដល់ ៥​ gigawatts។ ក្រោយពីបញ្ចប់ Meta មានគម្រោងប្រើ ជាង ១.៣ លាន GPU ចុងឆ្នាំ២០២៥៕

ព័ត៌មានទាក់ទង