សម្រាប់ការប្រកួតលើកនេះ វាអត់ស្រួលសម្រាប់យើងទេ ពីព្រោះសុទ្ធតែក្រុមខ្លាំងៗក្នុងពូលរបស់យើង ហើយគោលដៅរបស់យើងគឺចង់ឆ្លងឱ្យផុតវគ្គជម្រុះមួយនេះ»។«អ្វីដែលខ្ញុំចាប់អារម្មណ៍ គឺយើងមាន ៤ ក្រុម ហើយក្រុមទាំងអស់នេះស្ថិតនៅចំណាត់ថ្នាក់លើយើងទាំងអស់ ជាពិសេស ២ ក្រុមរួមមាន អ៊ូសបីគីស្ថាន គឺគាត់ស្ថិតនៅលេខខ្ទង់ ៦០ និងបារ៉ែន គាត់ស្ថិតនៅខ្ទង់៩០។ អ៊ីចឹងមានន័យថា ២ ក្រុមនេះជាក្រុមដែលខ្លាំងជាងគេ ដែលយើងពិបាកក្នុងការលេងជាមួយ ប៉ុន្តែគោលដៅរបស់យើងនឹងប្រឹងប្រែងយកជ័យជម្នះឱ្យបាន ទោះបីជាយើងគិតថាវាលំបាកសម្រាប់យើងក៏ដោយ»។ នៅក្នុងកិច្ចសម្ភាស មុនចាកចេញទៅ​ប្រទេសចិនតៃប៉ិ កាលពីម្សិលមិញ លោក Koji Gyotoku គ្រូបង្វឹកក្រុមជម្រើសជាតិកម្ពុជាក្រោមអាយុ២០ឆ្នាំ ថាក្រុមរបស់លោកកំណត់គោលដៅឱ្យឆ្លងផុតវគ្គជម្រុះ AFC U20 Asian Cup China PR 2025។ នេះបើយោងតាមប្រភពពីសារព័ត៌មាន PSB Sport News។ ជាចុងក្រោយលោកថា «សម្រាប់ខ្ញុំវិញ កាលពីមុនយើងលេងនៅតំបន់អាស៊ាន ប៉ុន្តែលើកនេះតំបន់វាអាស៊ីទាំងមូលតែម្តង ហើយនៅក្នុងពូលរបស់យើងមានក្រុមមកពីអាស៊ីកណ្តាលទៀត សុទ្ធតែជាក្រុមដែលខ្លាំងៗ វាពិបាកបន្តិចក៏ពិតមែន ប៉ុន្តែអ្វីដែលខ្ញុំនឹងប្រឹងប្រែងជាមួយកីទ្បាកររបស់ខ្ញុំធ្វើយ៉ាងណា ដើម្បីព្យាយាមរកលទ្ធផលឱ្យបានល្អជូនអ្នកគាំទ្រ»។ ​គួរឱ្យដឹងថា កម្ពុជា ស្ថិតនៅក្នុងពូល B សម្រាប់វគ្គជម្រុះពានរង្វាន់យុវជនអាស៊ីអាយុក្រោម ២០ ឆ្នាំរួមជាមួយនឹង អ៊ូសបេគីស្ថាន, បារ៉ែន, ឆាយនីសតៃប៊ិ និង នេប៉ាល់ ខណៈដែលការប្រកួតនឹងចាប់ផ្តើមលេងពីថ្ងៃទី២១-២៩ ខែកញ្ញា ឆ្នាំ២០២៤ នៅ​ចិនតៃប៉ិ៕

ព័ត៌មានទាក់ទង