នាយកដ្ឋាន​យុត្តិធម៌ (DoJ) បាន​ឲ្យ​ដឹងថា ក្រុមហ៊ុន​ផលិត​យន្តហោះ​នេះ ក៏​យល់ព្រម​បង់ប្រាក់​ពិន័យ​ចំនួន ២៤៣.៦ លាន​ដុល្លារ ផងដែរ​។ក្រុមហ៊ុន Boeing បាន​យល់ព្រម​សារភាព​កំហុស ចំពោះ​ការចោទប្រកាន់​ពីបទ​សមគំនិត​ក្លែងបន្លំ​ជា​ឧក្រិដ្ឋកម្ម បន្ទាប់ពី​អាជ្ញាធរ​សហរដ្ឋអាមេរិក រកឃើញថា ក្រុមហ៊ុន រំលោភ​លើ​កិច្ចព្រមព្រៀង​ដែលមាន​គោលបំណង​ធ្វើកំណែទម្រង់​លើ​ក្រុមហ៊ុន​នេះ បន្ទាប់ពី​ការធ្លាក់​យន្តហោះ Max 737 ដែល​សម្លាប់​អ្នកដំណើរ ៣៤៦ នាក់ និង​ពី​ឡុ​ត ។​ ទោះជា​យ៉ាងណាក៏ដោយ ក្រុមគ្រួសារ​អ្នកស្លាប់​ក្នុង​ឧបទ្ទវហេតុ​កាលពី ៥ ឆ្នាំ​មុននេះ បាន​រិះគន់ថា វា​ជា​កិច្ចព្រមព្រៀង​ដ៏​ពុករលួយ​ដែល​អនុញ្ញាតឱ្យ​ក្រុមហ៊ុន គេចវេស​មិន​ទទួលខុសត្រូវ​ទាំងស្រុង​ចំពោះ​ការ​ហេតុការណ៍​។​ តាមរយៈ​ការសារភាព​កំហុស ក្រុមហ៊ុន Boeing នឹង​រួច​ផុតពី​ការកាត់ទោស​ឧក្រិដ្ឋកម្ម​ជា​អ្វីដែល​ក្រុមគ្រួសារ​ជនរងគ្រោះ កំពុង​ទាមទារ ។​ គួរ​បញ្ជាក់ថា ក្រុមហ៊ុន Boeing បាន​ជួប​វិបត្តិ​លើ​កំណត់ត្រា​សុវត្ថិភាព​របស់ខ្លួន ចាប់តាំងពី​ការធ្លាក់​ស្រដៀង​គ្នា​ចំនួន ២ ករណី នៃ​យន្តហោះ Max 737 នៅក្នុង​ឆ្នាំ ២០១៨ និង ២០១៩ ។ នៅ​ឆ្នាំ ២០២១ រដ្ឋអាជ្ញា បាន​ចោទប្រកាន់​ក្រុមហ៊ុន Boeing ពីបទ​សមគំនិត​មួយ​ក្នុងការ​ក្លែងបន្លំ​និយតករ​ដោយ​ចោទប្រកាន់ថា បញ្ឆោត​រដ្ឋបាល​អាកាសចរណ៍​សហព័ន្ធ (FAA) អំពី​ប្រព័ន្ធគ្រប់គ្រង​ការហោះហើរ MCAS របស់ខ្លួន​ដែលជា​ប់​ពាក់ព័ន្ធ​ក្នុងការ​ធ្លាក់​ទាំង ២ នេះ ៕

ព័ត៌មានទាក់ទង