ក្រុមហ៊ុន Microsoft បានស្នើសុំលិខិតអនុញ្ញាតសាងសង់ ដើម្បីសាងសង់មជ្ឈមណ្ឌលទិន្នន័យនៅទីតាំងមួយនៅខាងក្រៅទីក្រុង Zaragoza នេះបើយោងតាមរបាយការណ៍របស់កាសែតក្នុងស្រុក El Heraldo ។ រដ្ឋាភិបាលក្នុងតំបន់នេះ បានគូសបញ្ជាក់ថា ការវិនិយោគនេះនឹងមានរយៈពេលជាង ១០ឆ្នាំឯណោះ។ ក្រុមហ៊ុនបច្ចេកវិទ្យាយក្ស Microsoft គ្រោងវិនិយោគប្រមាណ ៧.១៦ពាន់លានដុល្លារ ដើម្បីបង្កើតមជ្ឈមណ្ឌលទិន្នន័យថ្មីនៅក្នុងតំបន់ Aragon ភាគឦសាននៃប្រទេសអេស្ប៉ាញ ដែលកំពុងក្លាយជាមជ្ឈមណ្ឌល Cloud Computing ដ៏សំខាន់មួយនៅក្នុងទ្វីបអឺរ៉ុប។ នេះបើយោងតាមការចេញផ្សាយដោយទីភា្នក់ងារសារព័ត៌មាន Reuters នៅថ្ងៃទី១៥ ខែមិថុនា ឆ្នាំ២០២៤។ ការវិនិយោគនេះត្រូវបានគេមើលឃើញថា ក្រុមហ៊ុន Microsoft កំពុងដើរតាមគូប្រជែងដ៏សំខាន់របស់ខ្លួនគឺក្រុមហ៊ុន Amazon Cloud Computing Unit AWS ក្នុងការសម្លឹងមើលទីតាំង Aragon។ ដោយឡែកកាលពីខែមុននេះ Amazon បានប្រកាសកាលថាខ្លួននឹងវិនិយោគចំនួន ១៥.៧ ពាន់លានអឺរ៉ូ (ប្រហែល ១៦ពាន់លានដុល្លារ) ក្នុងរយៈពេល ១០ឆ្នាំខាងមុខដើម្បីបង្កើតមជ្ឈមណ្ឌលទិន្នន័យនៅទីនោះ៕

ព័ត៌មានទាក់ទង