ឆ្នាំ២០២៤៖ ទិវាជំនាញ ហូកា រៀបចំក្រោមប្រធានបទ “វិនិយោគទេសចរណ៍ វិនិយោគលើធនធានមនុស្ស”

ទំព័រដើម

ព័ត៌មានថ្មីៗ

បច្ចេកវិទ្យា

កីឡា

សិល្បៈ

ទេសចរណ៍

សុខភាព និងសម្រស់

សេដ្ឋកិច្ច

អចលនទ្រព្យ

ឆ្នាំ២០២៤៖ ទិវាជំនាញ ហូកា រៀបចំក្រោមប្រធានបទ “វិនិយោគទេសចរណ៍ វិនិយោគលើធនធានមនុស្ស”

ចុះថ្ងៃទី: 29-04-2024, 12:20 PM, ចំនួនអ្នកអានៈ 58ដង

រាជធានីភ្នំពេញ ៖តំណាងលោក សុខ សូកេន រដ្ឋមន្ត្រីក្រសួងទេសចរណ៍ និងមានការចូលរួមពីលោក Christian DISLER អនុប្រធានសហប្រតិបត្តិការអន្តរជាតិ និងជានាយកកម្មវិធីអភិវឌ្ឍសេដ្ឋកិច្ចប្រកបដោយបរិយាប័ន្ន នៃទីភ្នាក់ងារស្វីស សម្រាប់ការអភិវឌ្ឍន៍ និងសហប្រតិបត្តិការ (SDC), លោក Christian Volker Ide ប្រធានកម្មវិធីអភិវឌ្ឍន៍ជំនាញ នៃអង្គការស្វីស ខន់ថាក់, លោកជំទាវ ប៉ូច វរលក្ខណ័ នាយិកាវិទ្យាស្ថានជាតិទេសចរណ៍, លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា និងលោក ថង សាម៉ុន អគ្គនាយករងបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ, លោក គី សុខគីម នាយកប្រតិបត្តិនៃមូលនិធិអភិវឌ្ឍន៍ជំនាញរួមទាំងលោក លោកស្រីតំណាងក្រសួង-ស្ថាប័នពាក់ព័ន្ធជាច្រើនទៀត។ ទិវាជំនាញ ហូកា ឆ្នាំ២០២៤ ត្រូវបានរៀបចំធ្វើទ្បើងក្រោមប្រធានបទ “វិនិយោគទេសចរណ៍ វិនិយោគធនធានមនុស្ស” ខណដែលពិធីអបអរសាទរទិវាដ៏មានសារសំខាន់នេះ ត្រូវបានរៀបចំធ្វើទ្បើង នាថ្ងៃទី២៩ ខែមេសា ឆ្នាំ២០២៤ នៅសណ្ឋាគាររ៉េស៊ីដង់សុខាភ្នំពេញ ក្រោមវត្តមានរដ្ឋលេខាធិការក្រសួងទេសចរណ៍ លោក ប៉ាក់ សុខុម និងជាប្រធាន គ.គ.ហ.។ លោកប៉ាក់ សុខុម បានថ្លែងថា ទិវាជំនាញ ហូកា ឆ្នាំ២០២៤ ក្រោមប្រធានបទ៖ វិនិយោគទេសចរណ៍ វិនិយោគលើធនធានមនុស្សគឺជាពេលវេលាដ៏មានសារៈសំខាន់ និងជាវេទិកាចែករំលែកបទពិសោធន៍ និងទស្សនទានល្អៗ លើការបណ្តុះបណ្តាលបច្ចេកទេស និងវិជ្ជាជីវៈស្របតាមទិសដៅយុទ្ធសាស្ត្ររបស់រាជរដ្ឋាភិបាលអាណត្តិទី៧ សំដៅជំរុញអភិវឌ្ឍធនធានមនុស្សប្រកបដោយគុណភាព និងផលិតភាពការងារខ្ពស់ ជាពិសេសយុទ្ធសាស្ត្របណ្តុះបណ្តាលយុវជនចំនួន ១,៥លាននាក់។ លោកថា ពាក់ព័ន្ធទៅនឹងការបណ្តុះបណ្តាលធនធានមនុស្សនេះ ក្នុងវិស័យទេសចរណ៍ខ្ញុំសូមវាយតម្លៃខ្ពស់ចំពោះអង្គភាពពាក់ព័ន្ធរបស់ក្រសួងទេសចរណ៍ ដែលកន្លងមកបានខិតខំរៀបចំយុទ្ធសាស្ត្របណ្តុះបណ្តាលធនធានមនុស្សតួយ៉ាង “ផែនការយុទ្ធសាស្ត្រអភិវឌ្ឍន៍ធនធានមនុស្សក្នុងវិស័យទេសចរណ៍ ឆ្នាំ២០១៧-២០២៥” និងកំពុងធ្វើបច្ចុប្បន្នភាពផែនការយុទ្ធសាស្ត្រឲ្យស្របតាមសភាពការណ៍បច្ចុប្បន្នក្នុងតំណាក់កាលក្រោយវិបត្តិជំងឺកូវីដ-១៩ផងដែរ។ លោករដ្ឋលេខាធិការបានឲ្យដឹងដែរថា ក្រៅពីការបណ្តុះបណ្តាលជំនាញវិជ្ជាជីវៈទេសចរណ៍ ដែលរៀបចំដោយក្រសួងទេសចណ៍ យើងសង្កេតឃើញថាសាលាបណ្តុះបណ្តាលវិជ្ជាជីវៈទេសចរណ៍ ទាំងក្រោមការគ្រប់គ្រងរបស់ក្រសួងទេសចរណ៍ និងមជ្ឈមណ្ឌល ឬវិទ្យាស្ថានក្រោមការគ្រប់គ្រង ដោយក្រសួងការងារ និងបណ្តុះបណ្តាលវិជ្ជាជីវៈ អង្គការជាតិ-អន្តរជាតិ បានខិតខំប្រឹងប្រែងបណ្តុះបណ្តាល និងពង្រឹងសមត្ថភាពអ្នកជំនាញតាមទម្រង់បណ្តុះបណ្តាលនានា សំដៅរួមគ្នាស្តារសម្បទាវិជ្ជាជីវៈឡើងវិញ ក្រោយវិបត្តិជំងឺកូវីដ-១៩ ខណៈវិបត្តិនេះ បានធ្វើឲ្យប៉ះពាល់ដល់បុគ្គលិកសរុបចំនួន ៣២.៨១១នាក់ ក្នុងចំណោមអាជីវកម្មសរុបចំនួន ២.២៣៣ អាជីវកម្មដែលត្រូវបានបិទ-ផ្អាកទូទាំងប្រទេស នៅត្រឹមថ្ងៃទី៣១ ខែធ្នូ ឆ្នាំ២០២១ កន្លងទៅនេះ។ លោក ក៏បានថ្លែងការកោតសរសើរ និងវាយតម្លៃខ្ពស់ ចំពោះលេខាធិការដ្ឋាន នៃគណៈកម្មការគ្រប់គ្រងគម្រោង ហូកា ដែលបានសម្រេចបាននូវសមិទ្ធលទ្ធផលសំខាន់ៗប្រកបដោយផ្លែផ្កា តាមរយៈកិច្ចសហការយ៉ាងល្អប្រសើរជាមួយអង្គការ ស្វីស ខន់ថាក់ និងក្រោមការគាំទ្រយ៉ាងសកម្មពីគ្រប់ភាគីពាក់ព័ន្ធ សំដៅផ្តល់នូវជំនាញវិជ្ជាជីវៈពិតប្រាកដដល់យុវជននិងយុវនារីងាយរងគ្រោះ និងអ្នកជំនាញកម្រិតទាប នៅតាមខេត្តគោលដៅដាច់ស្រយាល ជាពិសេសការបើកឱកាសការសិក្សាពេញមួយជីវិតដល់យុវជនកម្ពុជា។ ទន្ទឹមនោះលោកថែមទាំងបានវាយតម្លៃខ្ពស់ចំពោះតំណាងសមាគមឧស្សាហកម្មទេសចរណ៍ទេសចរណ៍ ដែលបានខិតខំប្រឹងប្រែងចូលរួមចំណែកក្នុងការងារអប់រំបណ្តុះបណ្តាលយុវជនកម្ពុជាលើជំនាញវិជ្ជាជីវៈទេសចរណ៍ ដែលគាំទ្រស្តារឡើងវិញនៃវិស័យទេសចរណ៍ក្រោយវិបត្តិ។ លោក ប៉ាក់ សុខុម បានលើកទ្បើងថា វេទិកាជំនាញ ហូកា ឆ្នាំ២០២៤ ឱកាសដ៏វិសេសវិសាលនេះ មានភាពខុសប្លែកពីឆ្នាំមុន ដោយក្នុងក្រុមការងារបានរៀបចំកម្មវិធីប្រកួតជំនាញចាក់ឡាតេ និងជំនាញសេវាកម្មស្រាទំពាំងបាយជូរ សំដៅលើកកម្ពស់ជំនាញវិជ្ជាជីវៈទេសចរណ៍ដល់យុវជនកម្ពុជា ពិសេសអ្នកជំនាញដែលបានឆ្លងកាត់ការបណ្តុះបណ្តាលជំនាញ ហូកា នៅតាមខេត្តគោលដៅគម្រោង ។ ផ្តើមពីនោះ លោកអំណរគុណដល់ដៃគូរសហការជាមួយគណៈកម្មការគ្រប់គ្រងគម្រោង ហូកា រួមមាន៖ ក្រុមហ៊ុន Gourmet Beverage Solutions Co., Ltd ក្រុមហ៊ុន ប៊ូលូម ប៊ូលូម និងក្រុមហ៊ុន Kirisu Farm ដែលបានឧបត្ថម្ភគាំទ្រក្នុងទម្រង់ In-Kind Contribution ដើម្បីឲ្យដំណើរកម្មវិធីប្រកួតជំនាញបានដោយរលូន និងប្រកបដោយផ្លែផ្កា។ លោករដ្ឋលេខាធិការក៏បានវាយតម្លៃខ្ពស់ផងដែរចំពោះអ្នកសម្របសម្រួល និងវាគ្មិនកិត្តិយស ទាំងអស់ដែលនឹងចែករំលែកបទពិសោធន៍តាមរយៈប្រធានបទពិភាក្សាចំនួន ០២ រួមមាន៖ កិច្ចពិភាក្សាទី១ លើប្រធានបទ៖ យន្តការគាំទ្ររបស់ក្រសួងទេសចរណ៍ក្នុងការបណ្ដុះបណ្ដាលយុវជន ១,៥លាននាក់ និងកិច្ចពិភាក្សាទី២ លើប្រធានបទ៖ អភិវឌ្ឍវិស័យកាហ្វេ គាំទ្រដល់ការអភិវឌ្ឍន៍ធនធានមនុស្ស និងប្រើប្រាស់ផលិតផលក្នុងស្រុក”។ នាឱកាសនោះ លោក ប៉ាក់ សុខុម ក៏បានសំណូមពរឲ្យអង្គពិធីទាំងមូលមេត្តាត្រង់ត្រាប់ស្តាប់ពីការចែករំលែកចំណេះដឹង និងបទពិសោធន៍ របស់វាគ្មិនកិត្តិយសជាតិនិងអន្តរជាតិទាំងអស់ និងមានមតិយោបល់ចូលរួមឲ្យបានផុលផុសដើម្បីផ្តល់ជាធាតុចូលសម្រាប់ពង្រឹងការបណ្តុះបណ្តាលវិជ្ជាជីវៈទេសចរណ៍កម្ពុជា និយាយជារួម និងនិយាយដោយឡែកសម្រាប់កម្មវិធីបណ្តុះបណ្តាលបដិសណ្ឋារកិច្ច ហូកា ដែលយើងកំពុងរៀបចំកម្មវិធីនាឱកាសដ៏វិសេសវិសាលនេះផងដែរ៕

ព័ត៌មានទាក់ទង

ចុះថ្ងៃទី: 16-05-2024, 04:44 PM, ចំនួនអ្នកអានៈ 28ដង

រាជធានីភ្នំពេញ ៖ការរៀបចំទិវារំលឹកខួបអនុស្សាវរីយ៍ ថ្ងៃកំណើតនគរបាលជាតិ គឺក្នុងគោលបំណងរំលឹក ដល់ព្រះករុណាទិគុណដ៏ថ្លៃថ្លានៃព្រះមហាវីរក្សត្រ ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ ដែលបានបង្កើតនូវស្ថាប័ន «នគរបាលជាតិកម្ពុជា» ក្នុងព្រះរាជបំណងការពារសន្តិសុខជាតិ និងភាពសុខសាន្តរបស់ប្