ប្រភពពីអ្នកវិភាគស្មាតហ្វូនម្នាក់ដែលមិនត្រូវបានបង្ហាញអត្តសញ្ញាណបានឱ្យដឹងថា លោក Cook បានរាយការណ៍អំពីប្រាក់ចំណូលដែលរំពឹងទុកសម្រាប់ត្រីមាសទី១ នៃឆ្នាំ២០២៤ នៅថ្ងៃព្រហស្បតិ៍សប្តាហ៍នេះ ប៉ុន្តែក្នុងអំឡុងពេលនោះលោកមិនបានលម្អិតអំពីមុខងារ AI ថ្មីដែលលោកត្រៀមនឹងប្រកាសនោះទេ។ តាមរយៈការជជែកតាមទូរស័ព្ទនោះគេចាប់បានថា Apple កំពុងតែចង់ប្រកួតប្រជែងជាមួយនឹង Microsoft, Google, Amazon, OpenAI និងក្រុមហ៊ុនបច្ចេកវិទ្យាផ្សេងទៀតដែលធ្វើការលើម៉ូដែល AI ស៊េរីទំនើដែលអាចបង្កើតអត្ថបទ និងរូបភាពបាន។\ បន្ទាប់ពីមានក្រុមអ្នកវិភាគស្មាតហ្វូនជាច្រើនបានធ្វើការរំពឹងទុកថា iPhone អាចនឹងធ្លាក់ចុះចំនួនលក់កាន់តែខ្លាំងបន្ថែមទៀតពេញមួយឆ្នាំ២០២៤ នេះ ដោយសារមិនព្រមផ្លាស់ប្តូររូបរាងឌីហ្សាញ ក៏ដូចជាគ្មានមុខងារ AI។ ថ្មីៗនេះលោក Time Cook ដែលជានាយកប្រតិបត្តិក្រុមហ៊ុន Apple បាននិយាយចំអកតបទៅវិញ ក្នុងអំឡុងពេលនិយាយទូរស័ព្ទជាមួយអ្នកវិភាគម្នាក់ បន្ទាប់ពីរាយការណ៍អំពីប្រាក់ចំណូលសារពើពន្ធក្នុងត្រីមាសទី១ ថា Apple អាចនឹងមាការប្រកាសអំពីបញ្ញាសិប្បនិម្មិត្ត (AI) នៅចុងឆ្នាំនេះ។ នេះបើយោងតាមការចេញផ្សាយរបស់សារព័ត៌មាន CNBC នៅថ្ងៃទី០២ ខែកុម្ភៈ ឆ្នាំ២០២៤។ ជាងនេះទៅទៀតលោក Cook បានលើកឡើងថា៖ «ដូចដែលយើងសម្លឹងទៅខាងមុខ, យើងនឹងបន្តវិនិយោគលើកបច្ចេកវិទ្យាទាំងនេះ នឹងបច្ចេកវិទ្យាផ្សេងទៀតដែលនឹងកំណត់អនាគត»។ «នោះរាប់បញ្ចូលទាំងបញ្ញសិប្បនិម្មិត្ត (AI) ជាកន្លែងដែលយើងបន្តចំណាយពេលវេលា និងការខិតខំប្រឹងប្រែងយ៉ាងខ្លាំង ហើយយើងរីករាយក្នុងការចែករំលែកព័ត៌មានលម្អិតនៃការងារដែលកំពុងដំណើរការរបស់យើងនៅក្នុងកន្លែងនោះ (សំដៅលើ AI) នៅចុងឆ្នាំនេះ»។ លោក Cook បញ្ជាក់ថា «ខ្ញុំគ្រាន់តែនិយាយថា ខ្ញុំគិតថាមានឱកាសដ៏ធំសម្រាប់ Apple ជាមួយនឹង Gen AI និង AI តែខ្ញុំមិនបញ្ជាក់លម្អិតនោះទេ ដល់ពេលវេលាល្អនឹងចេញមកដោយខ្លួនឯង»។ បញ្ញាសិប្បនិម្មិត្ត AI ចាប់ផ្តើមទទួលបានការចាប់អារម្មណ៍យ៉ាងខ្លាំងពីក្រុមហ៊ុនបច្ចេកវិទ្យា និងអ្នកវិនិយោគចាប់តាំងពីឆ្នាំ២០២២ បន្ទាប់ពីក្រុមហ៊ុន OpenAI បានចេញផ្សាយ ChatGPT និងផ្តល់នូវជម្រើសមុខងារជាច្រើនដូចជាការបង្កើតអត្ថបទ រូបភាព ព្រមទាំងជួយការងារជាច្រើនផ្សេងទៀត។ បើទោះបីជា Apple មិនបានបញ្ចេញបច្ចេកវិទ្យា AI ឱ្យទាន់នឹងតម្រូវការសង្គមក៏ពិតមែន តែជាក់ស្តែង AI មាននៅលើ iPhone និង ផលិតផលជាច្រើផ្សេងទៀតរបស់ Apple ជាយូរឆ្នាំមកហើយ គ្រាន់តែថា ក្រុមហ៊ុននេះមិនប្រើពាក្យ AI ផ្ទុយមកវិញគឺប្រើពាក្យ «machine learning» ជំនួសវិញ។ គួរជម្រាបដែរថា ជាទម្លាប់ Apple តែងតែរៀបចំព្រឹត្តិការណ៍ WWDC របស់ខ្លួននៅអំឡុងខែមិថុនា ដូច្នេះ AI ថ្មីនេះត្រូវបានគេរំពឹងថា នឹងមកដល់នូវថ្ងៃណាមួយក្នុងខែមិថុនា ឆ្នាំ២០២៤ ខាងមុខនេះ៕

ព័ត៌មានទាក់ទង