ថ្លែងក្រោយចប់ការប្រកួតនៅចំពោះមុខកីឡាករសញ្ជាតិព័រទុយហ្គាល់ដែលបានរួមចំណែកទទួលបានជ័យជម្នះផងនោះ លោក Amorim បានឱ្យដឹងថា «គ្មាននរណាម្នាក់ដឹងមុននោះទេ ហើយក៏មិនដឹងថា នឹងមានអ្វីកើតឡើងដែរ»។ ទោះជាយ៉ាងណា អ្នកចាត់ការទូទៅសញ្ជាតិព័រទុយហ្គាល់រូបនេះ នៅតែសង្ឃឹម និងជឿជាក់ថា Bruno នឹងបន្តលេងនៅ Man Utd ទៀត។Manchester United បានធ្វើការវាយបកឈ្នះម្ចាស់ផ្ទះហុងកុង ៣-១ នៃជំនួបមិត្តភាពអន្តរជាតិយប់មិញ គ្រាដែលខ្សែបម្រើ Bruno Fernandes បានកំពុងពិចារណាចាកចេញពីទឹកដី Old Trafford ផងដែរ។ នេះបើយោងតាមការចេញផ្សាយដោយ BBC។ ថ្មីៗនេះដែរ កីឡាករវ័យ ៣០ឆ្នាំ Bruno បានកំពុងពិចារណាស៊ីជម្រៅ ក្នុងការចាកចេញពីបិសាចក្រហមនាសប្តាហ៍ក្រោយ ក្រោយទទួលសំណើក្រុមមកពី Saudi-Pro League បន្ទាប់ពីភ្នាក់ងាររបស់លោក ក៏បានជួបចរចាគ្នាមកហើយដែរកាល ២-៣ថ្ងៃមុន។ Al-Hilal បានកំពុងស្វែងរកកីឡាករ មុនពេលកម្មវិធី FIFA Club World Cup 2025 ចាប់ផ្តើមនាខែក្រោយនេះនៅអាមេរិក ដែលពួកគេប្រជែងជាមួយ Real Madrid, Red Bull Salzburg និង Pachuca ពីក្នុងពូល នៅពេលដែល Bruno បានបន្តកិច្ចសន្យាថ្មីជាមួយ Man Utd ដល់ឆ្នាំ២០១៧ និងជម្រើសបាន ១ឆ្នាំទៀតកាលពីខែសីហាឆ្នាំទៅ។ Bruno ទទួលបានពលកម្មច្រើនជាងគេនៅ Man Utd ហើយក្លិបមកពីអារ៉ាប៊ីសាអូឌីត ហ៊ានឱ្យគុណនឹង២ ប្រសិនបើយល់ព្រមចាកចេញ។ ខ្សែបម្រើស្ថិតក្នុងជម្រើសជាតិបច្ចខែលព័រទុយហ្គាល់ បានបង្ហាញខ្លួន ២៩០ប្រកួត និងរកបាន ៩៨គ្រាប់ផងដែរសម្រាប់ Man Utd គិតចាប់តាំងពីចូលរួមក្នុងខែមករា ឆ្នាំ២០២០ ពីក្លិប Sporting Lisbon ក្នុងតម្លៃផ្ទេរ ៤៧លានផោនមក៕

ព័ត៌មានទាក់ទង